Sunday, December 29, 2013

தென்பொதிகை கைலாயம்

அன்புள்ள   அகத்திய  நெஞ்சங்களை  ஒரு சிறிய  இடைவெளிக்கு  பின்  மீண்டும் சந்திப்பதில்  மகிழ்ச்சியடைகிறேன் .கால சக்கரம்  சுழல சுழல மாற்றம்  ஒன்றன் பின்  ஒன்றாக அரங்கேறுகிறது .எத்தனை தலைமுறை  கர்ம வினைப்பதிவுகள்  அச்சு பிறழாமல் மிக  அழகாக செயல்படும்  விந்தை .செய்த புண்ணியம்  பாவம்  அனைத்தும் சூட்சும  செல்களில்  பதிந்து அதனதன் விளைவுகளை நடத்திக்காட்டும்  அற்புதம் .எப்படி  வாழ்க்கை  இப்படி  உள்ளது ,ஏன்  இந்த உடல்,மனம்  அழுத்தம்  தரும் பதிவுகள் ? யார் இதனை தீர்மானிப்பது?கடந்த கால பதிவுகளுக்கு  யான்  என்ன  செய்ய முடியும் ? எம்  எண்ணம் அறிவு  இவை  மீறியும் வந்து  ஆட்டிப் படைப்பது  ஏன்  ?

அத்தனையையும் அனுபவிக்க  வேண்டியது  தான் .இறைவனின்  ஆணை !இம்மி  பிறழாமல்  நீதி வழங்கும்  ஈசனின்  உத்தரவு !இனி  வரும்  காலங்களில் அமைதி உருவாக்குவோம் ! மனம்  விரும்பி இறை அலைகளை ஏற்றுக்கொள்வோம் .இருக்கும் பதிவுகள் தாக்கம்  குறைய எம்  தந்தையின்  திருவடி பணிவோம் !இளைப்பாற  நிழல்  தரும்  எம் தந்தையின் கருணை  அலைகள்  ,எப்பதிவையும்  அதன்  மூல  வேரையும் உள்நோக்கி ஆராய்ந்து  அதன்  தாக்கத்தை  குறைக்கும் சக்தி மிக்க  அலைகள் .வாழும் வாழ்கையை பயனுள்ளதாக மாற்றும் அற்புத அலைகள் !

பொருள்  தேடும்  உலகத்தில் ,இன்று  அளிக்கப்பட்ட நிகழ்வுகளை திறம்பட எதிர்கொள்வோம் !,செயல்களை  திறம்பட  செய்வோம் !.விளைவு இறைவனின் கையில் !முடிந்த  வரை  தேவைகளை  குறைத்துகொண்டு ,இருக்கும் பொருளில் நிறைவு காண்போம் !மகிழ்ச்சி அடைவோம் !

அருள் தேடும்  உலகத்திற்கு வாருங்கள்  எம்முடன் .எம்  தந்தை வாழும் ஒரு எழில் மிகு அற்புத  மலை!அமைதியின் உறைவிடம் .கட்டி தழுவும்  மேகம் ! ஜில்லென்ற தட்பவெட்பம் !இறைநிலையிலேயே  எப்பொழுதும்  உறைந்து கிடக்கும்  தாவரங்கள் ,மரங்கள், பசுமை  போர்த்திய புற்கள் ,பல வேறு  அதிசய  மூலிகை நிறைந்து  கிடக்கும் தென்பொதிகை  கைலாயம்  என்றழைக்கபடும்  தந்தை ஸ்ரீ அகத்தியர் வாழும் அற்புத மலை !


இங்கே  பல  செவி  வழி செய்திகள் கிடைக்கின்றன. தந்தை  ஸ்தூல  உடலில் வாழ்ந்த  காலகட்டத்தில்  இங்கே இந்த  மலையினை  தேர்வு செய்து  வெகு  நாட்கள்   இங்கே தவம்  செய்வதாகவும்,இங்குள்ள  ஒரு  அதிசயமான கருநெல்லி  மரம் இருகின்றதெனவும் ,இது  பூப்பது ,காய்ப்பது எல்லாம் வெகு  அரிது  என்கிறார்கள் .ஒளவையார் அதியமானுக்கு கொடுத்த   நெல்லிக்கனி இந்த  கரு நெல்லி மரத்திலிருந்து தான்  எடுக்கப்பட்டதும்  என்கிறார்கள் !

எது  எப்படி  இருப்பினும் ஒரு வேண்டுகோள்  இந்த கரு நெல்லி மரத்திலிருந்து  இலையை பிடுங்குவது ,இதன்  பட்டையை எடுப்பது, இதன்  குச்சியை ஒடிப்பது   போன்ற செயல்களில் தயவு செய்து யாரும்  முயற்சிக்க வேண்டாம் !இது போன்ற ஒரு மரம்  வளர எத்தனை ஆண்டு காலம்  ஆகும் ! அதுவும்  இத்தனை புனிதமான  இடத்தில்  உருவாக்குவது என்பது  மிக மிக கடினம் !இதன் அருகே  சென்று அதன் சூட்சும அலைகளை உணர்வதில் கவனம் செலுத்துங்கள் !உங்கள் உயிரோடு இந்த  மரம் ஒட்டி  உறவாடும் !




தந்தையின் அருளாசி  பெற்ற  அன்பர்கள்  வருடம்  தோறும் இங்கே குரு  பூஜை செய்து  வழிபடுகின்றனர் .! நண்பரின் அழைப்பை ஏற்று யாமும்  ஆயத்தமானோம் !திண்டுக்கல் மாவட்டத்தில் உள்ளது  சிறுமலை ,இது  தின்டுக்கல்லிருந்து 25 km  தூரத்தில் உள்ள ஒரு மிக  சிறிய  மலைக்கிராமம் .18 கொண்டை  ஊசி வளைவுகள்  (Hair Pin Bend ) கடந்த பின் , அங்கே ஒரு  மலை  எழில் கொஞ்சி  தவழ்கிறது .தந்தை  அகஸ்தியர்  வாழும்  ஒரு அற்புத  மலை .கடல் மட்டத்திலிருந்து 1600m  உயரத்தில்  இந்த  சிறுமலை ,அங்கிருந்து  கிட்டத்தட்ட  ஒரு  400m  உயரத்தில்  தந்தையின்  கருணை அலைகள்   குடிகொண்டிருக்கும்  ஒரு அற்புத  மலை .இதை ஒரு  மலை  என்று சொல்வதை விட  லிங்கம்  வடிவில் உள்ள சிவமலை  என்றே  சொல்லலாம். இம்  மலையை தென் பொதிகை  கைலாயம்  என்கிறார்கள்  .கைலாய  மலையை  யாரெல்லாம்  காண இயலவில்லையோ  அவர்கள்  இங்கே  வந்து  இந்த  கைலாயத்தின்  முழு  பலனை  பெறலாம் .தந்தை.  இங்கே  சூட்சும  வடிவில் இருக்கிறார் .

மலை அடிவாரத்தில்  ஒரு மிக சிறிய  கோவில் .அங்கே தந்தையும்  ஸ்ரீ போகரும்  சிலை  வடிவில்  பிரதிஸ்டை  செய்யப்பட்டு தரிசனம் அருள்கிறார்கள்  .பல்வேறு  மூலிகை  மரங்கள்  சூழ்ந்துள்ளது .இதன் அருகே  உள்ள  ஒரு  மரத்தின்  இலையை  பிடுங்கி கைகளால்  உருட்டி  அகல்விளக்கில்  திரியாய்  வைத்து  தீபம்  ஏற்றுகின்றனர் .



வேத  மந்திரங்கள்  நிரம்ப  இடமே  அருள்  அலைகளால் ஜொலித்தது .எண்கோண  வடிவில்  அக்னி குண்டம் ,மஞ்சள்  ,சந்தனம் , தாமரைப்பூ  சூழ,  ஆயிரத்திற்கும்  மேற்பட்ட  கலசங்களில்  புனிதநீர் வைத்து  ,மா ,பலா ,வாழை  போன்ற  பல்வேறு  கனிகள்  வைத்து  ,சங்காபிஷேகம் ,பால் ,பன்னீர் ,தேன் ,போன்ற பல்வேறு  அபிஷேகம் சித்தர்  முறைப்படி வெகு  விமர்சையாக  நடைபெற்றது .






தாமரை  பூவே   ஒரு அழகான   பூ .இதன்  நிறம்  ,இதழ்  விரிக்கும் போது  இதன்  ஒட்டு மொத்த அழகு ,மெல்லிய   மனம் ,இவை எல்லாம் ஒரு நல்ல அதிர்வு  அலைகளை  உருவாக்க காரணமாகிறது .ஒரு  அழகான  ரோஸ் நிறத்தில் உள்ள  மென்மை மிக்க இளம்  தேவதைகள் ...! இவை  எல்லாம்  இருக்கும்  இடத்தை  மேலும்  புனிதப்படுத்துகிறது. இறை அலைகளை இழுக்கக்கூடிய அதிர்வு  அலைகளை   இவை இருக்கும் இடமெங்கும்   உருவாக்குகிறது.





இது  போன்று  அமைதி  மிகுந்த மலை  உச்சியில்  இப்படி  ஒரு விழா  அமைத்த  committee அன்பர்களுக்கும், அபிஷேகம் முதல் அன்ன தானம்    வரை விழாவில்  எவ்விதத்திலேனும் உதவி செய்த அன்பர்களுக்கும் ,  எம்   நெஞ்சம்  நிறைந்த நன்றியை  தெரிவித்துக்கொள்கிறேன் .மிக  புனிதமான  விழா.(Only few people  can do  like  this ..very great  people..!! Blessed always by  Father  ). யாக சாலை  மங்களம்  நிறைந்து ஜொலித்தது .விழாவில்  கலந்து கொண்டவர்கள் கொடுத்துவைத்தவர்கள்.சூட்சும  வடிவில்  தந்தையின்  தரிசனம் காண்பவர்கள்  இன்னும்  கொடுத்துவைத்தவர்கள்.

 
.

 பிறகு  அங்கிருந்து இன்னும் மேல்  நோக்கி மலை  உச்சியில் உள்ள  சிவனை  தரிசிக்க நடந்தோம்.மிக  அழகான  மலை  உச்சி .பசுமை போர்த்தியுள்ளது .ஆங்கொன்றும்  இங்கொன்றுமாக  ஓரிரு  மரங்கள் .எப்பொழுதும்  ஒரு  chillness .வெண்பனி  போன்ற  மேகங்கள்  உடலை ஆங்காங்கே  தழுவி செல்கிறது .My Life is meaningful only when I am coming to the  place like this.இங்கே வந்து  பார்த்தால் தான்  தெரியும்  இதன்  மகிமை .மனம்  இங்கே  மென்மையாக  மாறிவிடுகிறது .காரசார  எண்ணமெல்லாம்  திண்டுக்கல்லிலே  உறைந்து விடும் .இங்கமர்ந்து  மந்திரம்  சொல்லவேண்டிய  அவசியம்  இல்லை .வெறுமனே  மன நிலையினை  பார்க்க  ,பிதற்றல்  இல்லாது ,பிதறல் இல்லாது தெள்ளத் தெளிவான   மனமாக திகழ்கிறது .நன்கு  செறிவு ஊட்டப்பட்ட அருள்  அலைகள் மலை எங்கும்  சூழ்ந்துள்ளது .சிறிது  நேரம்  இமை  மூடி  பார்க்க  எங்கோ  இழுத்துச்செல்கிறது .ஒரு  ஜில்லென்ற  குளிர்  அடிக்கடி  உரசி சென்றாலும் ,இது  ஒரு ஆரோக்கியமான  குளிராகவே  தென்படுகிறது.சிறிது  சட்டையை   தொட்டு பார்க்க  குளு குளு  A C ல்  உள்ளது  போல  அவ்வளவு  இயற்கை  தரும்  உன்னத  குளிர்ச்சி .




ஒரு  அருள்  அலைகளால்  சூழப்பட்ட மலை .This place is fully charged by Holy waves and always there is energy particle which is keep floating in this hills ..!! .வீட்டை பற்றியோ ,வேலையைப்பற்றியோ ,குடும்பத்தை பற்றியோ அல்லது  ஏதேனும் மனகுப்பையைப்பற்றியோ சிந்திக்காத  எந்த பிரச்சினையும்  இல்லாத  இழவம்  பஞ்சு  போன்ற எடையற்ற  தன்மை கொண்ட  மனம் . இது  என்னவென்று தெரியாமல் தூங்காமல் தூங்கி  சுகத்தில்  லயிக்கும்   மனம் ..!தந்தையின் அன்பு  அலைகள் எம்மை  சுகமாய், இதமாய், பதமாய்    மனதிற்கு வேண்டிய அருள் அலைகளை  ஊட்டுகிறது ....!  எப்படி  ஒரு  பாசமிகு  தந்தை  தம் பிள்ளைகளுக்கு கருணை  உள்ளத்தோடு கொடுப்பாரோ  அப்படி  எவர்  வரினும்  அனைவருக்கும் அள்ளி அள்ளி வாரி வழங்கும்  தன்மை .!! எப்படி  சொல்வது..? அள்ள அள்ள குறையாத அன்பும் ஆனந்தமும்  நிறைந்த  அலைகள் ! அனுபவிக்க  தான்  அன்பர்கள்  இல்லை  இங்கே ..!




மலையின்  உச்சியின் மையத்தில்   ஒரு  சிவலிங்கம்  அருகே  ஒரு  கருநெல்லி  மரம் .மிக பழமையான  தோற்றம் !  தோள் தட்டி பாராட்டினேன் ! இத்தனை  ஆண்டுகாலம் நிலைத்திருந்து  சேவை  ஆற்றிய  உம்  அன்பு  நெஞ்சம் எம்மை வியக்க  வைக்கிறது  மரமே..!இன்னும் பல ஆண்டு காலம் வாழ்க நீ ! உம் அன்பெனும்  சேவை தொடரட்டும் எம் பாச  மரமே...!இன்னும் சற்று கொஞ்ச தூரம் தள்ளி  ஒரு  சிறிய  நடுத்தரமான   கரு நெல்லி  மரம் .கரு  நெல்லி வீரியம்  மிக்கது .சிறிய  சிறிய  காய்களாய்   காய்த்துள்ளது ஒரு  நெல்லிக்காய்  எடுத்து  வாயில்  வைத்தேன் .சிறிய காயாக  இருந்தாலும்  சாறு  அதிகம்  .கருமையும்  பசுமையும்  கலந்த  கலவை அதன் நிறம் .மிக கொஞ்சமான  புளிப்புடன்   வேறு ஒரு  சுவையும்  கலந்துள்ளது .என்னவென்று  சொல்லத்தெரியவில்லை ..!ஏறிவந்து  வந்த  களைப்பு   சட்டென்று  விலகியது. புத்துணர்ச்சி  நொடிகளில் ........
ஆகா...... I   love  it ...!!!Thankyou  My Father ..!!




பிறகு  அங்கிருந்து  கொஞ்சம்  தள்ளி  இயற்கை  எழில்  ரசிக்க அருகிலே  அமர்ந்தோம்  .மெல்ல மெல்ல  மனம் அமைதியாகிறது .ஒரு  நல்ல  வாலிபமான  நாய் .கொஞ்சம்  கூட  சோடை  இல்லாத ,அதன்  தாடையோ  ஒரு புலியின்  தாடைபோல  உள்ள  ஒரு கபிலை  நிற  நாய், எம்  அருகே  வந்தமர்ந்தது ...நன்றாக  தடவிகொடுத்து யாம்   தினந்தோறும் சொல்லும்  பைரவமந்திரம்  கொஞ்சம்  உச்சரித்தோம் ....பிறகு  I  am  here as well என்று  சொல்வது  போல  சொல்லாமல்  சொல்லி  மறைந்துவிட்டது .

இந்த  மலை  முற்றிலும்  எமது  தந்தையின்  கட்டுப்பாட்டில் ..மலை  உச்சியிலே  இரவிலே  ஒளி  தரும்ஜோதிபுள்ளும் , lemon  grass ம் , தர்பை  புல்லும்  நிறைந்துள்ளது.எந்தவிதமான  முள் செடியோ  அல்லது  ஒரு  மிகப்பெரும்  புதரோ  இல்லை . எந்த பயமும்  தேவை இல்லை .மெத்தை   போல  நன்கு  வளர்ந்த  புற்கள் .யாரும் எங்கு  வேண்டுமானாலும்  அமரலாம்.அமர்ந்து ,ஆழ்ந்து ,இங்கே கொட்டிகிடக்கும் பேரமைதியை  ரசிக்கலாம்.ஆழ்ந்த  பேரமைதி  குடிகொண்டுள்ளது . இந்த  அமைதியின்  ஒரு  நுனி  பிடித்து செல்ல  இனம்  புரியாத  அலைகள்  எம்மை  கட்டிக்கொள்கிறது .
ஒரு  சுகமான  நிறைவான  கருணை  அலைகள் !....



தூய்மையான பளிச்சிடும் வெண்மையான  திருநீர் அணிந்த நெற்றி ..வெள்ளிமுடிபோன்று ,கைலாயவெண்மை   நிறமுடைய  நீண்ட  நெடிய  ஜடா  முடி ,கருணை கண்கள் ...!! வெண்ணிற  ஆடை ..இவை  அனைத்தும்  நிறைந்த  திருஉருவம்  கண்டேன்  கன  நொடியில் ...     கண் இமைப் பதிற்குள்  சட்டென மறைந்தது ..! இன்று  யாம்  நிறைவு பெற்றோம் .....!!நிறைவு ..நிறைவு ..நிறைவு ....முழுமை ...ஆனந்தம் ....ஆனந்தம் .!!....தந்தையே  ஒம்  அகத்தீஸ்வராய  நமக..!!
அனைத்தும்  அறிந்த ..திரிகால  ஞானம் ..இறை அலைகளிலே உறைந்து  ஆழ்ந்து என்றும்  இறைவடிவமாகவே  திகழும்  தன்மை .. ..!அன்பும் கருணையும் ததும்பும் திடமான ஆழமான  கூர்மையான பார்வை ..!எவை  வரினும்  அதனை  துளியும்  அதிர்வின்றி எதிர்கொள்ளும்  திறமை ..! ஒரு துளி  பார்வை  ஊடுறுவி  உட்சென்று  எதையும்  பிரித்து பொருள் காணும்  நுணுக்கம் .சாந்தமும்  கருணையும்  தெளிவும் நிறைந்த முகம் .கைலாய வெண்பனி  போன்ற  வெண்மை  அலைகள் ..! எம்  உயிர் இன்னும் அருள்  அலைகளால்  திணிவு பெற்றது ..! செறிவு பெற்றது !அன்பின்  அலைகளை  அன்பின்  உணர்வுகளை  எம்மை  யாமே  எம்முள்  உணரும்  தன்மை ..!! கனிவும்  பணிவும்  பாசமும் எம்முள்  சேர்ந்தது ..! என்ன  வேண்டும்  எமக்கு ... தெரியவில்லை ..! எதுவும்  தேவையில்லை இப்பொழுது ..!  எல்லாம்  எம்  தந்தை இட்ட   பிச்சை ..!




இங்கே இந்த புனித மலையில் வெறும் கண்களுக்கு உடனே  எதுவும் புலப்படவில்லை .சற்று அமைதியாகி கொஞ்சநேரம்  இருந்து பிறகு இங்குள்ள அதிர்வு அலைகளுக்கேற்ப நம்மை தயார் படுத்திக்கொள்ளவேண்டும்.இந்த மலையின் அதிர்வு அலைகளை கொஞ்சம் நம்முடைய அலைகளோடு ஒன்றுகலக்க வேண்டும் .பிறகு தான் சூட்சும இரகசியங்கள் மெல்ல மெல்ல புலப்படும் .ஒரு உதாரணம் ,இங்குள்ள மரங்கள் எல்லாம் ஒரே மாதிரி  சாதாரண மரமாகவே  எண்ணும் இந்த ஸ்தூல கண்கள் .நம்மில் பலர் இவைகளை எல்லாம் கொஞ்சம் கூட நினைப்பதற்கு கூட   நேரம் இல்லாதவர்கள்.ஏதோ ஒரு பெரும் செயல் செய்யவேண்டும் என்று  நிறைவேறாத  ஆசைகுப்பைகளை  மனத்தால் எண்ணி ,இங்கு  கொட்டிக்கிடக்கும்  அமைதியை  ஆழ்ந்து  உணராமல் ,சட்டென்று  மலையிறங்கி ரெண்டும் கெட்டான் நிலைமைக்கு ஆளாகிவிடுவார் .இது  போன்ற  இடங்களில்  இங்கே உள்ள frquency யோடு ஒன்றுகலக்க வேண்டும் . கொஞ்சம் அமைதியாகி ஆழ்ந்து செல்ல ஒரு விழிப்பு நிலை வரும் ,அப்பொழுது பார்க்க அதே மரங்களின் வேறுபாடுகள் தெரியும் .என்ன இது மரத்தின் நுனியில் ,சிறிய சிறிய உருண்டை காய்கள் ,என்னதான் அது என்று சற்று உற்றுப்பார்க்க ,ஆகா இது நெல்லிகாய் போலல்லவா இருக்கிறது ..! மேலும் கவனிக்க கருமையும் பசுமையும் கலந்த சாம்பல் பூசியது போல் உள்ள கருநெல்லி மரத்தின் நெல்லிக்காய்  என்று தெரியவரும் .இது போல் நிறைய உள்ளது என் CAMERA  விற்கு டிமிக்கி கொடுத்த மூலிகையும் உள்ளது.

 தந்தையின்  நோய் அனுகா  விதி முறை ...!!

அகத்திய உள்ளங்களே ! தந்தையின்  கருணை கடல் போல் கொட்டிக்கிடக்கிறது ..!தகுதி என்னவெனில் அன்பும் ,கருணையும் நிறைந்த   உள்ளமே ..! இவை  ஒன்றே  போதும் தந்தையின் சூட்சும  அலைகளை  உணருவதற்கு . இவை  தான்   அதிர்வு குறைந்து ,ஆழ்ந்து ,உட்சென்று  அருள் அலைகளை  உணரும் தன்மை பெற்றவை   எந்த யாகமும்  தேவையில்லை .! எந்த  மந்திரமும்  தேவையில்லை.. .!அன்புள்ளம் கொண்டவர்களுக்கும்  என்றும்  இறைநிலையே நினைக்கும் சிவபக்தர்களுக்கும் ,தம்  கர்ம வினையால் இறைநிலையை  அடைய  ,எதிர்கொள்ளும் அவர்தம்  துயர் துடைக்க,எண்ணற்ற ரகசியங்களை தந்தை கருணையால் கொடுத்துள்ளார் .இவை யாவும் ஒரு நல்ல  அன்புள்ளம்  கொண்டவர்களுக்கே பயனடைய வேண்டும்  என்றும் கூறியுள்ளார் . மீறி  மற்றவர்களுக்கு  உரைப்பின்  தந்தையின்  சாபத்திற்கு  ஆளாக  நேரிடும்  என்று எச்சரிக்கையும்  விடுத்துள்ளார் .

நடக்கில்  மெத்தென  நடப்போ 
          நானாளு  மனவரிந்  துண்போ 

முடக்கலு  வெந்நீர்  குளிதல்ல  துண்னோ 
         மீறிய  மிகப்  பகலுறங் கோம் 

சடக்கென மலமிரண்டை யுங் கழிப்போ 
        தையலார்  புணர்ச்சியில்  சத்தே 
 
யிடக்கைக்  கீழ்படக் கிடப்பினுங்  கிடப்போம் 
    மெமனார் நமக்கென  கிடவாரே

நடக்கும் போது மெதுவாக   சப்தம்  வாராமல் நடப்போம்.தினந்தோறும் பசி அறிந்து  உண்போம் ..! பசிக்காவிட்டால்  ஒரு போதும்  உணவு  கிடைக்கிறதே ,இதை  இங்கு  விட்டுவிட்டால்  ஆகா ..!miss பண்ணிவிடுவேனே  என்ற  எண்ணமெல்லாம்  வேண்டாம் !  அது  போல  அதிகமான இருப்பதால் ,அதையும் சேர்த்து  உண்ணாவிட்டால்  மிச்சமாகி  விடுமே  என்ற  எண்ணமெல்லாம்  அறவே  வேண்டாம் .! ஏத்தனை  உயிர்கள்  உணவின்றி  வாடுகிறது  இவ்வுலகில் ,இருக்கும் மிச்சமான  உணவுகளை திறம்பட   பகிர்ந்தளித்து சரிசெய்வோம் .

குடிப்பதற்கும்  ,குளிப்பதற்கும்  வெந்நீரையே   படுத்துவோம் .இன்றைய  மாசுபட்ட காற்றினாலும் ,அதீத Chemical பொருட்களாலும் தண்ணீர் மாசுபட்டுவிட்டது . ஒரு  Travel  செய்யும்  போது  நான்கைந்து  ஊர்களில்  தண்ணீர் மாற்றும் போது ,முதலில்  நம்மை  ஆட்டிப்படைப்பது இந்த
தண்ணீர்   வழியாக நம்முள்  நுழையும்  கிருமிகள் ..!பிறகு  இதுவே பல்வேறு  நோய்களுக்கு  காரணமாகிறது . ஆக வெந்நீரையே  பயன்படுத்துவோம் ..!!

பகலில்  அதிக  நேரம் உறங்காமல்  இருப்போம் !மலம் ஜலம்  இரண்டையும்  அடக்காமல் உணர்ச்சி  வரும் பொழுதே கழித்துவிடுவோம் .இவற்றை  அடக்குவதால்  பல்வேறு  நோய்கள்  பின்னர்  வருமாம் .ஸ்திரீ  போகத்தில் (புணர்ச்சியில்)மிதமாக  இருப்போம் . படுக்கும்  போது  இடது கை  கீழே  இருக்கும் வண்ணம் படுப்போம் .இடது   பக்கம் கீழ் வைத்து படுப்போம் .இவ்வாறு இருப்பதால் எமனார்  நம்மிடம் வரமாட்டார் என்று  சொல்கிறார்   தந்தை .

இது  சாத்தியமானது தான் .நடமுறைப்படுத்துவது  கொஞ்சம்  கூட  சிரமமே இல்லை .எத்தனை முறை  நாம் வருடத்தில்  ஜல தோஷத்திற்காக  டாக்டரிடம் சென்றிருக்கிறோம்.அன்றாட வாழ்வில்  இவை தெரிந்தும்  ஒரு  அலட்சியம் ,ஒரு  carelessness ..பழக்கப்படுத்திவிட்டால் பிறகு  நோய் அணுகாமல்  ஆரோக்கியமாக  வாழலாம் .எதையும்  முளையிலேயே கிள்ளி எறிதல் போல ,நம்மை நாமே தயார் செய்துகொள்வோம் .வரும்  புத்தாண்டு சங்கல்பமாக  தந்தையின்  வேதவாக்காக   இவைகளை எடுத்துக்கொள்வோம் .!பின் வரும்  பதிவுகளில் தந்தையின் பாடல்கள்  மேலும் பல   தொடருவோம் ..!

இதழ் வாசிக்கும் அனைத்து உள்ளங்களுக்கும் வரும்  புத்தாண்டும்,  பொங்கலும் ,அமைதியும் ஆனந்தமும் ,நல்ல  ஆரோக்கியமும் தரும்  ஆண்டாக,   நல்ல நிகழ்வாக அமையட்டும்.!தந்தையின்  அன்பு அலைகள்  தங்கள்  வாழ்வில்  பற்பல ஆன்மீக மாற்றங்களை ஏற்படுத்தட்டும்   என  ,தந்தையை  வணங்கி  ,மீண்டும்  அடுத்த  ஒரு நிகழ்வில்  சந்திக்கின்றேன் ..

 ஒம்  அகத்தீஸ்வராய  நமக..!!ஒம்  அகத்தீஸ்வராய  நமக..!!ஒம்  அகத்தீஸ்வராய  நமக..!!
 

Monday, September 30, 2013

அகத்தீசனடி போற்றி.!!



  




அன்புள்ள நெஞ்சங்களே ! இங்கே மீண்டும் உங்களை சந்திப்பதில் மகிழ்ச்சியடைகிறேன் !இங்குள்ள நிகழ்வுகள் எல்லாம் இந்த சிற்றறிவிற்கு எட்டியவை மட்டுமே!இன்னும் எத்தனையோ கோடி பிரபஞ்ச ரகசியங்கள் எண்ணி அனுபவிக்க காத்துகிடக்கின்றது.தந்தையின் அரவணைப்பு இங்கே யாம் உணர ஒரு முழு காரணமாகிறது.இனம் அறியாது மொழி அறியாது இந்த உலகத்தின் ஏதோ ஒரு மூலையில் இருக்கும் எம்மையும், எம்மைப்போல் உள்ள அகத்திய உள்ளங்களையும், தந்தையின் அன்பும் , கருணையும் மெய் சிலிர்க்க வைக்கிறது.இப்படி செல் மகனே என்னும் தந்தையின் வேத வாக்கு,ஒரு தைரியத்தையும் நிறைவையும் அளித்து என்றும் எம்மை சூழ்ந்து அமைதியில் திளைக்க வைக்கிறது.

என்ன உள் எழுதிவைக்கபட்டதோ அது கால சுழற்சிக்கேற்ப வெளிவந்து செயல்பட ஆரம்பிக்கும் இறைநிலையின் இயல்பு.எப்படி ஒரு மிக சிறிய ஆலமரத்தின் விதையிலிருந்து,காலத்திற்கேற்ப இலை,தண்டு,கிளைகள்,விழுதுகள் என மிக பிரமாண்ட மரம் வருகிறதோ அது போல, சூட்சும அலைகளால் சுருக்கி எழுதப்பட்ட இறை எழுத்து செயல்பட ஆரம்பிக்கும் விந்தை.இவர்களை போல பொருள்இல்லை,புகழ் இல்லை,இடமில்லை etc போன்ற பொறாமைக்கோ, comparisonக்கோ இங்கே இடமில்லை.ஒவ்வொரு உயிரின் அலைசுழலும் அலை நீளமும் தனித்தனி.ஒவ்வொரு உயிரின் கர்மவினை பதிவும் தனித்தனி.ஒவ்வொரு உயிரும் இறைநிலைக்கு சமமான நிலைவரை வளர்ச்சி அடையும் தன்மை.

இறைஅலைகளை உள்வாங்கி இருக்கும் கர்மவினையின் தாக்கத்தை நீக்கி, பிறவிப்பெருங்கடல் நீந்துவது என்பதே மிகச்சரியான ஒரு வழி!. உள்ளம் எனும் கோவிலை தூய்மையாக வைத்திருக்கவேண்டும்.நாள் தோறும் இங்கே தூய்மை அவசியமாகிறது.தினந்தோறும் உணவு உண்ட பாத்திரத்தை சுத்தம் செய்வது போல, மாசுடைய அழுக்கான அலைகளை நீக்கி, மனம் விரும்பி நல்ல அலைகளை நாமே உள் நிரப்பி அமைதியை நிலைநாட்டவேண்டும்.எதை உள் வைக்கிறோம் என்பதை பொறுத்தே அமைதி,முகத்தில் ஒரு தெளிவு,நெஞ்சில் ஒரு நிம்மதி!எம் தந்தையின் அலைகளும் ,பைரவமந்திர அதிர்வுகளும் எம் நெஞ்சத்தை,எம் உள்ளத்தை, எப்பொழுதும் தூய்மையாக வைக்க உதவிசெய்கிறது! அன்பின் அலைகளை ஈர்க்கிறது!


 



ஒரு முறை சதுரகிரி செல்லும் போது ,கிருஷ்ணன் கோவில் எனும் ஊர் வந்தடைந்தோம் .சரியான பசி எடுக்கவே.ஒரு வண்டியை ஒரு ஓரமாக park செய்துவிட்டு ,அங்குள்ள ஒரு மிக சாதாரணமான ஹோட்டலில் யாமும் நண்பரும் நுழைந்தோம். மிக சிறிய ஹோட்டல் .அந்த ஊர் மக்களுக்கேற்ப வசதி செய்யப்பட்டுள்ளது. மூன்று மேஜைகள் இருந்தது.ஒவ்வொன்றிலும் நான்கு பேர் அமர்ந்து உண்ணலாம்.முதலில் உள்ள ஒரு மேஜையில் அமர்ந்தோம் .எனது நண்பர் எனக்கு எதிரே அமர, எனது அருகிலும் ,நண்பர் அருகிலும் ஒரு இருக்கை காலியாக இருந்தது. அங்கே யாம் ,எமது நண்பர் மற்றும் அந்த ஹோட்டல் owner ஆகிய மூவரை தவிர வேறு யாரும் இல்லை. முதலாளி ,தொழிலாளி எல்லாம் அந்த ஹோட்டல் owner ஒருவர் மட்டுமே.


“என்ன வேண்டும்” என்றார் ? “ நல்ல சூடான தோசை வேண்டும்....” என்றோம். சிறிது நேரம் கழித்து இருவருக்கும் தோசை கொண்டுவந்து ,சாம்பார் , சட்னி எல்லாம் பரிமாறினார்.தோசையை பிய்த்து வாயினுள் வைக்கும்போது ,திடீரென ஒரு இளம் வயது அன்பர் எமக்கு எதிரே உள்ள காலியான இருக்கையில் அமர்ந்தார்.வெள்ளை நிற ஜிப்பா,நெற்றியில் எடுப்பான ஒரு சிறிய செந்தூர நாமம்.மிக அழகாக இருந்தது.அந்த செந்தூரம் இவருக்கு.நல்ல கருமையான தலைமுடி ஒரு இளம்வயது அன்பருக்கு ஏற்றார்போல் haircut.மிக இளமையான தோற்றம்.உடல் கருப்பு நிறம்,மெல்லிய தேகம்.அந்த ஊர் இளைஞர் போல தோற்றம்.ஆனால் கண்கள் எம்மை முற்றிலும் ஈர்த்தது.ஏதோ ஒரு ஆஞ்சநேயர் கோயில் பக்தர் போல இருந்தார்.இங்குள்ள கோவிலுக்கு வந்திருக்கலாம் என எண்ணினேன்.

அவர் வந்து அமர்ந்த விதம் மிகவும் ஈர்த்தது. இப்படி யாரும் அமர்ந்ததை இதுவரை யாம் பார்த்ததில்லை.ஏதோ பல ஜென்மமாக தொடர்புள்ள ஒரு பாசம் மிகுந்த ,கருணை உள்ளம் கொண்ட அன்பர் ஒருவர் ,தம் குடும்ப அன்பரை பார்க்க வந்தால் எப்படி இருக்கும்,அப்படி ஒரு பாசத்தோடு அருகிலே அமர்ந்தார்.அவரிடமிருந்து வந்த அலைகள் ஒரு ஈர்ப்புமிக்க பாசத்தை கொட்டியது.அறிமுகமே இல்லாத அன்பர்.இவரிடம் எப்படி பேசுவது என்று தெரியவில்லை.பார்க்க ஒரு சாதாரண மனிதர் ஆனால் இவரிடமிருந்து வரும் அலைகள்,எம்மை அன்பினால் கட்டிபோட்டுவிட்டது.மன அமைதியில் ஆழ்த்தியது.ஒரு இனம் புரியாத பாச அலைகள்,யார் இவர் ? யார் இவர் ? யாராக இருக்கும் என்றே எண்ணினேன் .அவர் கண்களை சற்று உற்று நோக்கினேன்.

இது போன்ற கண்கள் தானே அந்த இளம் சாதுக்குரியது.சதுரகிரியில் சுந்தர மகாலிங்கம் சன்னதியருகில் சந்தித்த அதே கண்கள்.அப்படியே உள்ளது.ஆனால் வழக்கம் போல் எம் கற்ற அறிவு எம்மை compare செய்ய வைத்தது.அந்த சதுரகிரி இளம் சாதுவிற்கோ நீண்ட தாடி,நீண்ட முடி,ஆனால்இங்கே முற்றிலும் மாறியுள்ளதே.அந்த இளம் சதுரகிரி சாது தான் இவர் என்று எப்படி இவரிடம் கேட்பது ..! அடையாளம் காண்பதில் ஒரே குழப்பம். இவை எல்லாம் ஓரிரு நொடியே.எம் நண்பரோ சாப்பாடு பற்றி பேசி கவனத்தை முற்றிலும் திசை திருப்பிவிட்டார். சாம்பார் புளிக்கிறதே என்றார்.பிறகு யாமும் உண்ண ஆரம்பித்தோம். உண்மையிலேயே சாம்பார் புளித்தது.உடனே அந்த ஆஞ்சநேயர் பக்தர் “,....ஆமாம் புளிக்கிறது ..என்ன சாப்பாடு போடுறீங்க..?” என்று ஹோட்டல் ownerஐ கேட்க.அவரோ திரு திருவென்று முழிக்கிறார் “இல்லங்க இதுக்கு முன்னாடி நிறைய பேர் சாப்பிட்டாங்க,ஏதும் சொல்லலையே...”

என் நண்பரோ ஒரு சாப்பாட்டு பிரியர், சாப்பாடு பற்றி ஒரே புலம்பல். “சரி...சரி விடுப்பா ..அடுத்த முறை நன்றாக அமையும்,நாம் வந்ததோ சதுரகிரி சுந்தர மகாலிங்கத்தை தரிசிக்க, இடையிலே கிடைக்கிறதை சாப்பிட்டு,எதுவும் குறைகாணமல் பசியாறி சீக்கிரம் மலை ஏறணும் ..சரியா? .வா ..வா..கிளம்பலாம் .”என்று அவரை அழைத்து பயணத்திற்கு ஆயத்தமானேன்.பிறகு பணம் எவ்வளவு என்று ஹோட்டல்அன்பரிடம் கேட்டேன்,அதற்குள் அந்த ஆஞ்சநேய பக்தர் ,நாங்கள் சாப்பிட்டதற்கும்சேர்த்து billஐ settle பன்ன ready ஆகி, பணத்தை கையிலெடுத்து நிற்க ,.உடனே நான் தடுத்து “இல்லை இல்லை எங்கள் இருவருக்கும் யாம் settle பண்ணுகிறேன்.தயவு செய்து அவருக்கு சுமையாக இதையும் அவர் bill உடன் சேர்க்காதீர்கள் என்றேன்.. “.. அவரோ தலையில் கையை வைத்து ,ஒ ..sorry ! இன்னைக்கு எனக்கு என்னாச்சு.. தெரியல ? ஏன் இப்படீன்னு தெரியல...” என்றார் அந்த ஹோட்டல் owner.

பிறகு ஹோட்டல் விட்டு கீழிறங்கி நடந்தேன்..ஒரு பத்து நிமிடம் சென்றிருக்கும்.பிறகு தான் எம் சிந்தனை முற்றிலும் செயல்பட ஆரம்பிக்கிறது.சுய நினைவிற்கே வருகிறேன் என்று சொல்லலாம். ஒரு குறிப்பிட்ட நிமிடங்களுக்கு பிறகு தான் சூட்சும கட்டுகளை அவிழ்த்து விடுகிறார்கள் மகான்கள்.பிறகு தான் நடந்ததை முற்றிலும் உணர்கிறேன்.ஹோட்டலில் நுழைந்ததிலிருந்து வெளி வரும் வரை நடந்த அலைஇயக்கம், சாம்பாரிலிருந்து ,தோசை முதல்,மேஜை நாற்காலி,ஹோட்டல் owner,எம் நண்பர் மற்றும் யாம் போன்ற எல்லாம், வந்திருந்த ஆஞ்சநேய பக்தரின் கட்டுபாட்டில்.குறிப்பாக அந்த ஹோட்டல் ownerரின் சிந்தனை கூட அவரது கட்டுபாட்டில் இல்லை.

அந்த ஆஞ்சநேயர் பக்தர் வேறு யாருமல்ல,யாம் முதன் முதலில் சதுரகிரியில் சந்தித்த அதே இளம் சாது.எம் கற்ற அறிவும் எமது தோல்விக்கு ஒரு காரணம்.கற்ற அறிவெல்லாம் தூக்கி குப்பையில் எறிந்துவிடுகிறார்கள் மகான்கள்.தாடி இல்லாமல் போனதும்,தலைமுடி குட்டையாக மாறியதும்,சாம்பார் புளித்ததும்,ஹோட்டல் owner தவறாக கணக்குபோட்டதும் ஆகிய எல்லாம் இந்த மகானின் சித்து வேலை.இது அன்பின் ஆழம் கட்டுரையில் வரும் அதே இளம் சாது. மீண்டும் இங்கே ஆஞ்சநேய பக்தர் வடிவில் தரிசனம்.இந்த இளம் சாதுவை காண இடைப்பட்ட காலங்களில் பல முறை காத்துக்கொன்டிருந்தேன்.ஒவ்வொரு முறை சதுரகிரி செல்லும் போதெல்லாம் ,இளம் சாதுவை மீண்டும் எப்பொழுது சந்திப்பேன்..?,எப்பொழுது சந்திப்பேன்...? என்று ஏங்கி இருந்திருக்கின்றேன் பல முறை!.
 


இந்த இளம் சாதுவை எவ்வாறு யாம் அழைப்போம்.இவர் ஒரு சித்தரே! உண்மையில் சித்தர்கள் தம்மை தாமே சித்தர் என்று யாரும் அழைப்பதில்லை.இந்த இளம் சாதுவிடமிருந்து எமக்கு எத்தனை மெய்சிலிர்க்கும் அனுபவங்கள் ! அமெரிக்காவில் இருந்த எம் ஸ்தூல உடம்பில் உள்ள சூட்சுமத்தை தட்டி எழுப்பி,எம்மை முதன் முதலில் தந்தை ஸ்ரீ அகத்திய மகானிடம் சூட்சுமமாக கொண்டுசென்றவர் இவரல்லவா ! .இவர் இல்லை எனில் யாம் தந்தையை எவ்வாறு இவ்வளவு எளிதில் தரிசனம் பெற்றிருக்க முடியும் ! தந்தையின் அன்பின் ஆழம் எவ்வாறு உணர்ந்திருக்க முடியும்.!இளம் சாது எமது அருகில் அமர்ந்த நொடிகள் ,அந்த மணித்துளிகள் எம் வாழ்கையின் மிக சிறந்த நொடிகளுள் ஒன்று. அறிமுகமற்ற இவருக்கு எப்படி இத்தனை கவர்ந்திழுக்கும் ஆற்றல் என எண்ணினேன். ஆனால் அதற்குமேல் அங்கே எம்மால் சிந்தனையை செலுத்தமுடியவில்லை !.இவர் தான் அந்த இளம் சாதுவென்று அந்த ஹோட்டலில் தெரிந்திருந்தால் அப்படியே கட்டிபிடித்து அழுதிருப்பேனே.......!

 
வந்தவர் எம்மை தொடவில்லை,எந்த ஒரு பேச்சும் யாம் அவருடன் பேசவில்லை. எமக்கும் அவருக்கும் இடையே இருப்பது வெற்றிடமும் காற்றும் மட்டுமே.பார்க்க ஒரு சாதரண மனிதர் ,அவரிடமிருந்து எழுந்த அலைகள்.,எத்தனை சக்தியுள்ளது தெரியுமா..!இந்த அலைகள் யாம் எப்பொழுது நினைத்தாலும் அதே மெல்லிய அலைநீளத்திற்கு எம்மை கொண்டுசெல்கிறது.இது தான் ஒரு சித்தனுக்குரிய ஆற்றல்.சித்தனின் உண்மை அலைகளின் ஆற்றல்.எங்கு எப்பொழுது நினைத்தாலும் அதே frequency க்கு இழுத்துசெல்லும் தன்மை.இறைநிலையின் தூய character .இந்த அலைதான் வந்தவரை மகான் என்று எம்மை உணரவைத்தது.எப்படி ஒரு விந்தை..!இந்த ஸ்தூல கண்களுக்கு எதுவும் தெரியவில்லை.ஆனால் இந்த உள்ளம் எனும் நெஞ்சம் அமைதியால் சூழ்ந்ததால் ,இந்த அன்பு அலைகளால் நன்கு செறிவுஊட்டப்பட்ட இளம் சாது கொண்டுவந்த அன்பு அலைகள், அவரையும் மீறி கசிய ஆரம்பித்துவிட்டது,ஆதலால் ஒரு துளி யாமும் உணர்ந்தோம்.அப்படியே தந்தையின் அலைகள்..! கண்களில் ஆனந்த கண்ணீர் ..! என்ன கைம்மாறு செய்வோம் இவர்களுக்கு..!! எத்தனை கோடி கொடுத்தாலும் இவை பெற இயலாது...!


ஆழ்ந்து கவனிக்க கவனிக்க...மனதை மிக மென்மையாக்கி ,குழந்தை ஏங்கி அழுவது போல் மாற்றி, ஆழ்ந்து அடிமனது தொட்டு,அங்கேயே நிலைக்க செய்து,ஒரு பேரமைதியிலே மூழ்கசெய்து விடுகிறது.நெஞ்சை கவர்ந்திழுக்கும் ஈர்ப்பு நிறைந்த தூய அன்பு அலைகள்.விட்டுபிரிய மனமில்லாத பாசஅலைகள்.இறைநிலையிலேயே மூழ்கி,ஆழ்ந்து தவம் செய்து ,தூய அன்பெனும் ஆற்றல் உணர்ந்த ஒருவருக்குதான் இவ்வளவு ஆற்றல் இருக்க முடியும் என நம்புகிறோம்..ஒரு தந்தைக்கும் தம் மகனுக்கும் இருக்கும் இதயம் ஈர்க்கும் அன்பு அலைகளின் உறவுகள்.என்னவென்று சொல்வோம்..!தந்தை எமக்கு அளித்த அன்பின் அலைகளை சுமந்து கொண்டுவந்த ஒரு மகா மனிதவடிவில் வந்த சித்தர்......தந்தையின் சாராம்சம் அப்படியே ..! ஒம் அகத்தீஸ்வராய நமஹ!....!

 
யாமோ குப்பையான அலைகளை எம்முடன் சுமந்தே செல்கிறோம்.ஆனால் வந்தவரோ தூய அன்பெனும் அலைகளை தம்முடன் எப்பொழுதும் சுமந்து செல்கிறார் .தாம் சந்திக்கும் அன்பருக்கெல்லாம் வாரி வாரி வழங்குகிறார்.எல்லாம் மகானின் கட்டுபாட்டில் ..ஒரு இம்மி கூட மீறி செய்ய இயலவில்லை...!! எல்லாம் எம் தந்தையின் கருணை!அகத்திய மகானின் அன்பு சீடர் இவர்.மீண்டும் சந்திப்போம் இம்மகானை என எம் உள்ளம் சொல்லும் அலைகளை இங்கே அகத்திய உள்ளங்களுடன் பகிர்ந்துகொள்கிறோம்.எமது சூட்சும அனுபவமும் சரி,ஸ்தூல அனுபவமும் சரி, நிகழ்வு நடத்தப்பட்ட அலையியக்கம் மிக சரியானது.அதாவது மிக சரியானவற்றை மட்டுமே செய்யமுடியும் அந்த அலையியக்கதில்.மிக தூய்மையானது.எல்லாம் அவர்களின் கட்டுபாட்டில்.மிக துல்லியமானது.எல்லாம் predefined .நன்கு வரையறுக்கப்பட்ட சூழல்.ஒரு சிறு தவறு கூட நிகழ வாய்ப்பில்லை.!

 


தந்தையை இடைப்பட்ட காலங்களில் இருமுறை தரிசனம் பெரும் வாய்ப்பு கிட்டியது .இருமுறையும் முதலும் முடிவும் அறிய இயலவில்லை.எப்படி இது நிகழ்ந்தது என்றதற்கான ஆரம்பமும் தெரியவில்லை.அது போல அதன் முடிவும் தெரியவில்லை.அலைஇயக்கம் மிக நுண்ணியது.அமைதியாக இருந்த ஆன்மாவை, சூட்சும உடலை விரும்பியபடி அழைக்கும் நுணுக்கம்.இந்த சூட்சும உடலை வா என்றால் வரும், செல் என்றால் செல்லும் அப்படி ஒரு கவர்ந்து இழுக்கும் தன்மை நிறைந்த ஒரு கலை .இதன் நுணுக்கம் இதன் நுட்பம் (Technology )எல்லாம் அறிய இயலவில்லை.இது போன்ற சூட்சும அலைகள் பற்றிய விந்தையெல்லாம் மகான்களுக்கும் சித்தர்களுக்கும மட்டுமே உரிய கைவந்த கலை.எத்தனையோ புனித ஆத்மாக்களும் தந்தையின் தரிசனத்திற்காக காத்திருக்கின்றனர். அவர்களுள் ஒருவனாக யாமும் அழைத்துவரப்பட்டோம். ஒம் அகத்தீஸ்வராய நமக என்னும் தாரக மந்திரம் ஒன்றே யாம் தொடர்ந்து சொல்லிக்கொண்டேயிருக்கிறோம்.நிற்கும் கோலத்தில் தந்தை.அமைதியின் ஆழ்கடல்.பிரபஞ்சத்தையும் கடந்து செல்லும் ஆழ்ந்த பார்வை.தந்தையின் வருகையால் அந்த இடம் முழுவதும் ஒரு பேரமைதி குடிகொண்டுள்ளது.தெய்வீகம் நிறைந்த அலைகள் எங்கெங்கும் சூழ்ந்துள்ளது.எங்கெங்கு காணினும் மெல்லிய சாத்வீக அலைகள்.தந்தை எம்மை பார்த்தவுடன் ஒரு பரவச நிலை எமக்கு.

எத்தனை ஜென்மம் வேண்டுமானாலும் இத்தரிசனத்திற்காக காத்திருப்பேன் தந்தையே ..!நின்  ஆழ்ந்த நிறைவான அருட்பார்வை ,எம்முல் ஊடுறுவி  எம் சிதிலம் அடைந்த  செல்களை எல்லாம் புதுப்பிக்கிறது தந்தையே ..! தந்தையின் அருட்பார்வை பட்டதால் எம் கண்களில் அன்பெனும் கண்ணீர்.வார்த்தை இல்லை எமக்கு.ஒரு அழகான புன்னகை எம்மை பார்த்து."என்னை ஏனப்பா பெரிதாக எழுதுகிறாய்... ? என்றார்.என்னால் எந்த பதிலும் சொல்ல இயலவில்லை.எத்தனை பெருந்தன்மை.எவ்வாறு யாம் தந்தையை  எழுதாமல் இருக்கமுடியும். எமது சூட்சும தேகத்தை முதன் முதலில்  உரசி தட்டி எழுப்பி ,எம்மையும்  ஒரு பொருட்டாக கருதி, அன்பெனும்  ஜீவ அலைகளால்,எம் ஆணவம் அழித்து ,சூட்சுமத்தை முதன் முதலில் எமக்கு உணர்த்தியவர் அல்லவா ?  அன்பெனும் இறைநிலை உணரவைத்தவர் அல்லவா ? எப்படி  தந்தையை பற்றி  எழுதாமல் இருக்க முடியும் ?
 இங்கே ஒரு சாதாரண மனித உரையாடல் போல என்னால் எந்த ஒரு reactம் செய்ய முடியவில்லை.முக்கியமாக சிந்தனை கூட எனது கட்டுபாட்டில் இல்லை .ஒரு frozen state என்று சொல்வார்களே அது போலவே .வாய் திறந்து பேசவேண்டும் என்ற தேவை இல்லை இங்கே. எல்லாம் அலைகளின் இயக்கம்.எண்ணங்களின் சாராம்சம் எம்மை சுற்றியுள்ள சூட்சும அலைகள். ஒரு துளி சூட்சும அலைகள் எம் எண்ணங்களை அப்படியே பிரதிபளித்துவிடுகிறது. அனைத்தும் தந்தையின் கட்டுபாட்டில்.ஒரு நல்ல அலையியக்கம்.அமைதியும் முழுமையும் நிறைந்த அலைஇயக்கம். எத்தனையோ அருள் நிறைந்த வேலைகள் தந்தைக்கு.சூட்சும அலைகளின் ஒளிப்பிரகாசம். ஒரு துளி நொடிகளே கடந்துசென்றிருக்கும்.இருக்கும் இடத்திலிருந்து அப்படியே மேல் நோக்கி பறக்கும் ஜாலம். தந்தை பறந்து செல்கிறார்.பறக்கும் ஜாலம் எம்மை பிரமிக்கவைக்கிறது.எடையற்ற அலைகள்.ஆக எங்கு பறக்க வேண்டுமோ அங்கே பறக்க தயாறாகின்றது.எல்லா சூட்சும உடல்களும் எங்கு வேண்டுமானாலும் பறக்க இயலவில்லை. அதற்கென்று ஒரு சூட்சும மந்திரம்உள்ளது. அந்த சூட்சும மந்திரம் பெற்றவுடன் காற்றடைக்கப்பட்ட பலூன் போல பறக்க தயாராகிறது.பறக்கும் ஜாலம் எம்மை பிரமிக்க வைக்கிறது. சித்தர்களுக்கே உரிய கைவந்த கலை .கோரக்கர் சித்தர் பறக்கும் வித்தை பற்றிய அணைத்து உண்மைகளையும் சந்திர ரேகை எனும் நூலில் உள்ளது உள்ளபடியே எழுதியுள்ளார்.மிக சிறந்த நூல்.

 


சமீபத்தில் ஒரு சிவாலயத்திற்கு சென்றேன் .மிக பழமையான கருவறை ,கோவில் அர்ச்சகர் சற்று முன்னர்தான் வந்து அவர் வேலை முடித்து வெளியிலே உள்ள விக்கரங்கங்களுக்கு தன் வேலையில் ஆயத்தமாக இருந்தார். வேறு யாரையும் கவனிக்கவில்லை அங்கே அழகிய சிவலிங்கம் சாயரட்சை பூஜை முடித்து ,பூக்கள் மாலைகள் சூழ ,ஒரு மிதமான சுடர் விளக்கில் ரம்மியமாக ஒளிவீசிக்கொண்டிருந்தது .அந்தி சந்தி வேலை என்பார்களே அந்த நேரம் .மிக முக்கியமான நேரம் .சூட்சுமங்கள் உணரும் நேரம். அதாவது பகல் முடிந்து இரவு சந்திக்கும் நேரம்,ஒரு மருவிய நேரம்.யதார்த்தமாக இந்நேரம் அமைந்தது .சிவலிங்கத்தில் சூடப்பட்டுள்ள முல்லைபூவின் நறுமணம் என்னை கவர்ந்திழுத்தது .இதே நறுமணம் இதே வேளையில் வேறு எங்கோ ஒரு இடத்தில் இது போன்று உணர்ந்திருக்கிறேன்.கிட்டத்தட்ட ஒரே நிகழ்வு .ஒரே அலைசுழல் .இங்கே மீண்டும் நடக்க இருக்கிறது.என்னவாக இருக்கும் என்று சிறிதே கண்ணை மூடி அங்கே உள்ள அலைகளோடு எம்மை கலந்தோம்.

வேத மந்திரங்களால் நிரப்ப பற்ற கருவறை .பளிச்சிடும் வெண்ணிற அலைகள் .எவ்வளவு இறையாற்றல் ! கருவறையிலிருந்து விரிந்து கொண்டேயிருக்கிறது .மனதை வருடும் ஆற்றல் .எங்கோ இழுத்துசெல்லும் தன்மை .அமைதியும் சாத்வீகமும் நிறைந்த அலைகள் மெதுவாக எம்முல் கலந்து ,கொஞ்சம் கொஞ்சமாக நெஞ்சமெங்கும் வியாபித்து மெதுவாக எம்மை மறக்க வைக்கிறது .இறை அலைகளின் செறிவு அதிகமாகிக்கொண்டே செல்கிறது .ஒரு கட்டத்தில் உப்பி பருக்கும் சூட்சும அலைகள் .இறை ஆற்றல் செறிவு அதிகமாகிறது .சூட்சும அலைகளின் ஒன்று கலப்பு .தந்தையின் திருமுகம் அருகிலே சிவலிங்கம் ,புன்னகை பூக்கும் தந்தை .பளிச்சிடும் முகம் .என்றும் சிவ லயத்திலே இருக்கும் தந்தை .இருவரும் ஒன்றே என்பது போல .பிரித்து பார்க்க முடியாத அலைகள் .சிவமும் தந்தையும் அங்கே .சிவம் என்னவென்று உணரமுடியவில்லை .தந்தையோ புன்னகை வீசும் முகத்துடன். கருணையின் வடிவம் .கருணை பொங்கும் முகத்துடன். மெய் சிலிர்க்கும் நேரம்.எல்லாம் அலைகளே .தந்தையின் தெய்வீக அலைகள் .கேட்பதற்கு ஒன்றும் இல்லை.அலைகள் அது தானாகவே தன்னை புதுப்பித்துகொள்ளும் தருணம்.எல்லாம் ஒரு சில வினாடிகளே .ஆனால் இவைகள் பல கோடி வினாடிகளுக்கு சமம்.கண்திறந்து பார்த்தேன் .ஆடாது அசையாத தீப விளக்கின் சுடரொளியும் சிவலிங்கமும் அப்படியே இருந்தது .ஆனால் எம் நெஞ்சமெங்கும் நிறைவான புனிதமான தந்தையின் புன்னகை பூக்கும் அலைகளும் ,ஒரு வித ஆழ்ந்த அமைதியான அலைகளும் சூழ்ந்திருந்தது வெகு நேரத்திற்கு. 

கருணை மட்டுமே தந்தையின் பார்வை .உலகத்தில் அணு அளவேனும் எதிர்பார்ப்பு இல்லாத ஒரு பார்வை.உலகையே அன்பினால் பார்க்கும் ஒரு பார்வை ,அன்பினால் அரவணைக்கும் ஒரு பார்வை .தந்தையின் ஞானபார்வை .இப்படிப்பட்ட ஒரு பார்வை எப்படி இருக்கும் என்று நினைக்கும் போதே அதற்குரிய அலைகளை ஈர்த்துவிடுகிறது.மெல்ல மெல்ல அமைதி சூழ்கிறது. ஒரு முறை தந்தையின் தரிசனம் வாழ்நாள் உள்ளவரை ஜீவ அலைகளாக என்றும் நம்மை சூழ்ந்து அமைதியையும் ஆனந்தத்தையும் நிறைவையும் அள்ளி வீசி, மனதை மிக நுண்ணிய அலைநீளத்திற்கு கொண்டுசெல்லும்.

தம்மை அன்பாக மாற்ற தெரிந்தவர்கள்,அன்பின் அலைகளாக மாறுபவர்கள்,அப்பழுக்கட்ற தூய எண்ணம் உடையவர்கள்,எதையும் அன்பால் உள்ளம் உருகி பார்ப்பவர்கள்,என்றுமே கருணை உள்ளத்துடன் இருப்பவர்கள்,இவர்கள் எம் தந்தையை வெகு எளிதில் தரிசனம் பெறுவார்கள். 
எவ்வாறு அன்பின் அலைகளாக மாறுவது ? அன்பின் உண்மை அலைகளை உணர்வது எப்படி ? ஒரு சிறு முயற்சி இங்கே கொடுத்துள்ளோம் ! மிக நுண்ணிய அலைநீளம் சென்று அங்கே எம் நெஞ்சம் தொட்டு சுழன்று ஓடிய அலைகளை முடிந்தவரையில் பிடித்து, மெட்டுக்களாக மாற்றி,கிடைத்த வார்த்தைகளையும் வைத்து இதோ ஒரு அன்பின் ஆழம் நிறைந்த எம் தந்தையின் திருவடியை போற்றி வணங்கும் ஒரு பாடலாக வைத்துள்ளோம்.தந்தையின் திருவடிகளுக்கு இப்பாடலை சமர்ப்பணம் செய்கின்றோம்.ஒரு உருக்கமான பாடல், அமைதியான சூழலில், உள்ளம் நிறைந்த அன்போடு, இப்பாடலை கேளுங்கள் .ஒரு மெல்லிய அமைதியான அலைசூழ்ந்து உங்கள் மனதினை அமைதி நிலைக்கு கொண்டுசெல்லும்,அமைதியும் தூய அன்பும் நிறைந்த கருணைக்கடலாம் ஸ்ரீ மகாஅகத்திய சித்தரை, தரிசிக்க வழிசெய்யும் தூய அலைகளை உங்கள் உள்ளங்களில் தட்டி எழுப்பும் என நம்புகிறோம் !



இதை download செய்வதில் ஏதேனும் problem எனில் எம் மின்னஞ்சல் முகவரியை தொடர்புகொள்ளவும் agathieyam@gmail.com

ஏதேனும் பிழைஇருப்பின் அதற்கு யாமே காரணம், பிழைபொருத்து அருள்க.இந்த நிறைவான மெல்லிய அலைகளோடு மீண்டும் அடுத்த ஒரு நிகழ்வில் விரைவில் சந்திக்கிறோம் !

ஒம் அகத்தீஸ்வராய நமஹ....!



Sunday, August 4, 2013

ஸ்ரீ ராம தேவர் சொரூப சமாதி

அன்புள்ளம் கொண்ட அகத்திய நெஞ்சங்களை நீண்ட இடைவெளிக்கு பிறகு மீண்டும்  சந்திப்பதில் மட்டற்ற மகிழ்ச்சியடைகிறேன். கால  தாமதத்திற்கு வருந்துகிறேன்.ஸ்ரீ மஹா பைரவர்  கட்டுரையில்  வரும்  பைரவ மந்திரம் சக்தி மிகுந்த நல்ல அதிர்வு அலைகளை தரக்கூடியது. சூட்சும சக்தியை பெருக்கக்கூடியது. நம் சூட்சும உடம்பிலே ஒரு polish  ,இறை சக்தியால் ,பைரவ சக்தியால் மெருகேற்றப்படுகிறது. எப்பொழுதும் நம்மை தொட்டுக்கொண்டே,எங்கெங்கு சென்றாலும் நம்முடனேயே வருவது நம்  சூட்சும உடல்.நல்ல  அதிர்வு  அலைகள்  நமக்கு  எப்பொழுதும்  நல்ல எண்ணங்களை  தரவல்லது .  இந்த சூட்சும உடல்    எந்த அளவுக்கு ஒருவருக்கு செறிவுள்ளதோ அந்த அளவுக்கு, மனம் நன்கு  வலிமை பெரும் ,நல்ல  திடம் பெறும் ,நல்ல நிறைவு  பெறும்.நல்ல திடமான ,அலைபாயாத நல்ல ஆரோக்கியமான மனதில் தான்,ஒரு தீர்க்க மான முடிவு  எடுக்க முடியும்.நல்ல சரியான முடிவு  எடுக்க தெரிந்தவர்கள் தான் வாழ்க்கையின் உயர்நிலையில் .இன்றைய உலகத்திற்கு மிக மிக  அவசியமானது,இந்த  மிக சரியான  முடிவு எடுத்தல் என்பது. குப்பையான  எண்ணங்களை வேரறுத்து மன விரயத்தை பாதுகாக்க வல்லது பைரவ சூட்சும அதிர்வு அலைகள் .மனம் விரயம் இல்லை எனில் உயிர் சக்தி நன்கு சேமிக்கப்படும்.இவ்வாறு சேமிக்கப்படும் உயிர் சக்தி மற்றும் சூட்சும சக்தி மேலும் நம்மை வலிமை படுத்தி ,செய்யும் செயலுக்கும், உழைக்கும்  உழைப்பிற்கும் உறுதுணையாக இருக்கும்.உழைப்பின்றி எதுவும் கிடைக்காது இந்த உலகில்.எந்த நல்ல செயலாயினும் வேலையாயினும் அதன் உச்சம் தொடும் வரை  செல்ல உதவி செய்யும் .இது ஒரு வழி,இது போல் எத்தனையோ வழிகள் உள்ளது. அகத்திய உள்ளங்கள்  எவ்விதமேனும்  நல்ல அதிர்வு மிக்க அலைகளை உணர்ந்து வாழ்வில் வெற்றிபெற ஸ்ரீ மஹா பைரவரையும் ,தந்தையையும்   வணங்கி  கட்டுரையை தொடங்குகிறேன் .



ஆழ்ந்து  அகன்று விரிந்த  இப்பிரபஞ்சம்.கற்பனை செய்ய இயலாத அளவிற்கு விரிந்துகொண்டே இருக்கும் இப்பிரபஞ்சம்.என்ன  தான் இங்கே இருக்கிறது ? இப்படி விரிந்து கொண்டே அனைத்தையும் உள்ளடக்கி கொண்டு,சென்றுகொண்டே இருக்கிறது .முதலும் இல்லாமல் முடிவும் இல்லாமல் இப்படி சென்று கொண்டேயிருக்கும் ஒரு விந்தை.சில கோள்களை அப்படியே விழுங்கிக் கொண்டும் மேலும் சில புதிய கோள்களை உருவாக்கிக்கொண்டும் ,சத்தமில்லாமல் அனைத்து பிறப்பு இறப்பு செயல்களை நிகழ்திக்கொண்டிருகிறது .எல்லையற்ற பிரபஞ்ச பேராற்றல் ,இறைஆற்றல் ,வெட்டவெளி,ஏதுமற்ற  ஆனால் எல்லாம் ஆன தூய வெற்றிடம் (a holy powerful space,vaccum),வார்த்தைகளாலும்  வர்ணிக்க முடியாத ,ஒரு அளவிற்குமேல் என்னவென்று  உணர இயலாத ஒரு மாபெரும் சக்தி .ஒரு  ஈர்ப்பு சக்தி . இந்த அன்பு கலந்த ஈர்ப்பு சக்தி ஒன்றே  இந்த உலகத்தை ,இப்பிரபஞ்சத்தை ஆள்கிறது.இந்த அன்பெனும் ஈர்ப்பு அலைகள் தன்னுள்ளே உள்ள அனைத்து திடப்பொருள்களையும் பல கோடி உயிர்களையும் ஈர்த்துப் பிடித்து அன்பால் அரவணைத்துள்ளது.இந்த அன்பெனும் ஈர்ப்பு சக்தி இல்லாத இடமே இல்லை ,இல்லாத உயிரும் இல்லை.இங்கே ஒரு துளி அன்பின் ஈர்ப்பு அலைகளே இந்த அகத்திய இதழ் வாசிக்கும் அன்புள்ளங்களையும் எம்மையும் இணைக்கிறது .தூய பிரபஞ்ச அன்பெனும் அலையை உணர்ந்து பாருங்கள் ,பிறகு எது செய்தாலும் ஒரு முழுமையை உணரமுடியும் .எதை பார்த்தாலும் அது உங்களுக்கு பிடிக்கும் .ஒரு அன்பு ஈர்ப்பு இருக்கும் .என்ன தேவையோ அவை அன்பால் வழங்கப்படும்.

தந்தை அருளிய அன்பெனும் ஞானம் பல முறை எம்மை அனைத்தையும் ஒரு அன்புப்பார்வையாக பார்க்க உதவிசெய்கிறது .அன்புப்பார்வையில் ஒவ்வொரு நொடியும் பேரின்பமாகும் .ஒவ்வொரு செயலும் ரசித்து செய்யமுடியும்.முடிந்தவர்கள் இங்கே  மனத்தால் ஒரு space travel செய்து வாழ்வின் உண்மையை உணர்ந்தனர்.ஒரு சிலர் தொட்டும் தொடாமலும் உணர்ந்து இங்கே இதனை இசையாக மாற்றினர்,இங்கிருந்துதான் அத்தனை இதயம் வருடும் மெட்டுகளும்.இங்கிருந்துதான்  அத்தனை அமைதியும் ,அத்தனை ஆனந்தமும் ,இங்கிருந்துதான்.ஒரு சிலர் இந்த அமைதியில் ஆழ்ந்து இதனோடு எப்பொழுதும்  ஒரு இணைப்பு எற்படுத்திக்கொண்டனர் இவர்கள் மகான்கள் என்று அழைக்கப்பட்டனர்.

ஆழ்ந்து விரிந்து அகண்ட இப்பிரபஞ்சவெளிபோல் விரியும் மனம். தானே அதுவாக ( இறைநிலையாக) மாறும்  மனம். இறைநிலைக்கு என்ன சக்தி உள்ளதோ அந்த அளவுக்கு ,தானே விரிந்து தானும் இறைநிலையும் ஒன்றாக  உணர்ந்து , தானே இறைநிலை ,இறைநிலையே தாம் என்று  " தத்துவம் அசி... " ,"..அகம் பிரம்மாஸ்மி.. "  என உணரும்  மனம்.

சித்தர்கள்,மகான்கள்  இந்த உலகத்திற்கு வாரிவழங்கிய வள்ளல் பெருமான்கள் .சூன்யமான இறைநிலையில் உள்ள சக்தியில் தம்மையே மூழ்க வைத்து ,இயற்கை இரகசியங்கள் அறிந்து மானுட வாழ்விற்கு உதவி செய்த வள்ளல் பெருமான்கள் .சித்தர்கள் போட்ட பிச்சையே இன்றும் மனிதகுலத்தினை மேம்பட வைக்கிறது.தம்மை நாடி வருபவர்க்கெல்லாம் தாம் இறைநிலையில் நுணுகி நுணுகி கற்ற வித்தையால் என்றும் கொடுத்துக்கொண்டே இருப்பவர்கள் .முன்னொரு காலத்தில் ஸ்தூல உடம்பால் நேரடியாக அருளினார்கள் ,இப்பொழுது சூட்சும உடம்பால் மறைமுகமாய் அருளாசிகளை வழங்கிக்கொண்டே இருக்கிறார்கள் .



எவ்வாறு முடிந்தவரையில் மற்றவர்களுக்கு பயனுள்ளதாக இருக்க வேண்டும் எனும் எண்ணம் வாழ்க்கையை  மிக உயர்த்திவிடுகிறது .ஆக்க துறையிலேயே மனதினை செலுத்தவேண்டும் என்ற எண்ணம் ,ஆன்மாவிற்கு இப்பிரபஞ்ச சக்தியுடன் ஒரு  இணைப்பை ஏற்படுத்திவிடுகிறது .உடலாலோ ,உழைப்பாலோ,எண்ணத்தாலோ ,அறிவாலோ , ஏதேனும் பலருக்கு நன்மை தரும் விதத்தில் கொடுப்பவர்கள் என்றும் உயர்ந்தவர்கள்.போற்றி புகழப்படவேண்டியவர்கள்.

வாட்டி வதைக்கும் கோடை வெயிலால் என்ன நன்மை ? எப்படி இதனை நன்மை தருவனவாக நாம் பயன்படுத்திக்கொள்ளவேண்டும் ? கோரக்கர் சித்தர் ஒரு உபாயம் சொல்கிறார் .இது போன்று அக்னி நட்சத்திர காலங்களில் பழனி ஸ்ரீ முருகபெருமான் ஆலயம் சென்று அங்கேயே ஓரிடத்தில் அமர்ந்தோ ,மலையை சுற்றி கிரிவலம் வந்தோ அங்குள்ள காற்றினை நன்கு சுவாசிக்க வேண்டுமாம் .அதன் அலைகள் நம் உடம்போடு படுமாறு செய்யவேண்டுமாம் அவ்வாறு செய்யும் போது , நவபாசாணங்களால் செய்யப்பட்ட சிலையிலிருந்து, வெளியில் ஏற்படும் வெப்பமாற்றத்திற்கேற்ப ,நவபாசாணஆற்றல்கள் காற்றோடு கலந்து ,சிலை இருக்குமிடத்திலிருந்து கொஞ்சம் கொஞ்சமாக பரவுமாம்.அப்போது யாரெல்லாம் அதனை சுவாசிக்கிறார்களோ அல்லது உடலில் வாங்கிக்கொள்கிறார்களோ அவர்கள் யாவரும் அதன் தன்மைக்கேற்ப பிணியின்றி தேக ஆரோக்கியம் பெற்று வாழும் ஒரு ரகசியம் உள்ளது என்கிறார்.ஒரு முறை சென்று அனுபவித்து பாருங்கள்.

அலையை பிரித்து உணரவேண்டும்.இனி வரும் காலங்களில் இது மிக முக்கிய பங்கு வகிக்கபோகிறது. அலை பிரித்துணரும் தன்மையை அறியும் ஞானம் மிக அவசியமானது .ஜீவ சமாதியிலிருந்து வரும் ஒரு மெல்லிய அலையின் ஒரு நுனியை பிடித்தாலே ,உணர்ந்தாலே ,உடனே ஜிவ்வென்று உள்ளம் நிறைவு பெரும் ,மனம்  அமைதிபெறும் முழுமை  பெரும் ,எதையும் எதிர்கொள்ளும் ஒரு கம்பீரம் பெரும் .எல்லாவற்றையும் சமநேர்நோக்கில் பார்க்கும் தெளிவு பெரும் .ஒரு கட்டத்தில் பேரமைதியை நோக்கி சென்றுவிடும்.

"சக்தியை இழப்பதே இன்பம்.." என்கிறது இன்றைய அன்றாட வாழ்க்கை நியதி .உண்பதால் ,பார்ப்பதால் ,கேட்பதால் ,தொடுவதால் என அனைத்தும் அளவு முறை மீற   துன்பமே .ஆற்றல் இழப்பே ! நூற்றுக்கு தொண்ணூறு சதவீதம் வரை ஏதோ ஒரு பொருளுக்காகவோ (materalistic  world )அல்லது வேறு ஏதேனும் நிறைவேறாத ஆசை குப்பைக்காகவோ பிச்சை எடுத்துக்கொண்டுதான் இருக்கிறது மனம்.அதற்கு மாறாக இங்கே ஜீவ சமாதியிலோ எப்பொழுதும் அமைதி குடிகொண்டுள்ளது.எப்பொழுதும் நிறைவுடன் உள்ளது .சூட்சுமம்  இறைநிலை நோக்கி என்றுமே ஒரு வற்றாத அருள் அலைகள்.தன்னருகே தேடி  வரும் அன்பர்களுக்கு வாரி வாரி வழங்கும் கருணை உள்ளம் கொண்டவர்கள் .வெயிலுக்கு இளைப்பாற  நிழல் தருபவர்கள் .

அமைதியால் ஆனது தானே`இந்த கவர்ந்திழுக்கும்  ஈர்ப்பு ஆற்றல்  நிறைந்த அன்பு .அன்பினால் தானே இந்த பிரபஞ்சமே  ஒன்றோடொன்று ஈர்த்து பிடித்துள்ளது.ஒவ்வொரு உயிருள்ளும் நீக்கமற நிறைந்திருப்பது அன்பு  தானே .எந்த ஒரு உயிரையும் மற்ற உயிருடன் உறவாட வைப்பதும் அன்பு தானே .அன்பு தானே எல்லாம் .அன்பு தானே அனைத்துள்ளும் நிறைந்துள்ளது .எவனொருவன் இந்த உலக உலகத்தை அன்பினால் பார்க்கிறானோ அவன்  மாபெரும் மனிதனாகிறான்.சாதாரண மனிதனிலிருந்து வேறுபடுகிறான் .எப்படி ? தான் அன்பாக மாறும் பொழுது ,தன் மனதின் அதிர்வு குறைகிறது ,ஆக மனம் மிக நுண்ணிய அலை நோக்கி செல்கிறது.இயற்கையின் ரகசியங்களெல்லாம் இந்த அதிர்வு குறைந்த மிக நுண்ணிய அலைநீளத்தில் .ஆக இந்த பிரபஞ்ச அலையை நிறைய கிரகித்துக்கொள்ளும் தன்மை.தூய அன்பால் பார்க்கும் செடி,கொடி ,பறவை ,ஊர்வன ,விலங்குகள் ,மனிதன் என அனைத்துள்ளும் நீக்கமற நிறைந்துள்ள அன்பை பார்க்கிறான் .அன்பு என்பது ஒரு பசைபோன்ற ஸ்தூல பொருளா ? இல்லையே .மிக நுண்ணிய அலை .கடவுளின் அலைகள் .அமைதி தரும் அலைகள் .ஆனந்தம் தரும் அலைகள் ,அன்பின் அலைகளால்  அனைத்தையும் ஆட்கொண்டுள்ளது .


எந்த ஒரு physical செயலுக்கும் மூல காரணம் அதன் எண்ணங்களே .எண்ணங்களே செயல்களாக மாறுகிறது .எண்ணங்கள் என்பது அலைகளே .ஆக அலைகளே இந்த உலகத்தை ஆள்கிறது .அலைகள் எங்கிருந்து உருவாகிறது .யார் இதன் மூல காரணம் ? அதன் ஒரு நுனி பிடித்து சென்றால் ,பிடிப்பது கொஞ்சம் சிரமம் ,ஆனால் செல்ல செல்ல அமைதியையும் ,பேரின்பத்தையும் நோக்கி சென்றுவிடும்.ஜீவ சமாதியில் உள்ள சித்தர்கள் பேசுகிறார்களா !? ஜீவ சமாதிக்கும் மற்ற சாதாரண  இடத்திற்கும் வேறுபாடு உள்ளதல்லவா !? ஜீவ சமாதி இருக்கும் இடம் ஏதோ ஒரு ஈர்ப்பு இருக்கிறதல்லவா !?இந்த  ஈர்ப்பு  எதனால் வருகிறது ?இந்த ஈர்ப்பு எவ்வளவு நிறைவானது தெரியுமா ?

ஒரு முறை யாம் அமெரிக்காவில் இருந்தபோது ,என்னை ஆன்மீக இந்தியாவின் இரு இடங்கள் மிக ஈர்த்தது .ஒன்று திருவண்ணாமலை  மற்றொன்று சதுரகிரி .இவை இரண்டையும் விட்டுவிட்டு இப்படி வந்துவிட்டோமே என்று பலமுறை ஏங்கிஇருக்கிறேன்.பிறகு காலம் செல்ல மீண்டும் ஆன்மீக தாய்நாடு வந்தேன் .எம் நெஞ்சம் ஈர்த்த இடம் சென்றேன் .எங்கிருந்து இந்த அலைகள் வருகிறது ?ஏன் இவை கண்டம்விட்டு கண்டம் ஈர்க்கிறது ? இந்த ஈர்க்கும் அலைகளின் மூல இடம்தான் எங்கே ? திருவண்ணாமலையின் மலைஉச்சி முதல் ,பல இடங்கள் சென்றேன்.எம்மையும்  ஈர்த்த அலைகள்  எங்கே... ? எங்கே.. ?  எங்கே  அதன் மூலம் ...என்று தேடினேன். கடைசியில் அண்ணாமலையாரின் கருவறை நோக்கி சென்றேன் .கருவறை நோக்கி செல்ல செல்ல ஈர்ப்பும் ,அலைகளின் மிதமிஞ்சிய ஆற்றல்களும் அதிகமாகிக்கொண்டேயிருந்தன.ஒரு இனம் புரியாத பாசம் ,ஒரு இனம் புரியாத ஆழ்ந்த  ஏக்கம் ,ஒரு இனம் புரியாத ஈர்ப்பு எம்மை சூழ்ந்துகொண்டது . எப்படியாவது இங்கே கொஞ்ச நேரமாவது அமரவேண்டும் என்று முடிவெடுத்தேன் .அனால் அங்கே கருவறையின் சன்னதியிலோ 10 நொடிகளுக்கு மேல் யாரையும் இருக்கவிடுவதில்லை .ஏனென்றால் அவ்வளவு  கூட்டம் .எல்லாம் இறைவன் சித்தம்.

அங்கேயுள்ள கோவில் அர்ச்சகர் ஒருவரிடம் விளக்கி கூறினேன் .அவரும் சரி என்று சொல்ல ,கருவறையிலே அமர்ந்தேன் .அமர்ந்தேன்...சிறிதே கண்களை மூடினேன் .காந்த செறிவுள்ள பல ஆயிரம் மடங்கு சக்தியுள்ள அலைகள் .இடைக்காடர் இங்குதான் உள்ளாறோ !? எத்தனை ஆதி  சித்தர்கள் ,அவர்களின் ஜீவ சமாதி இங்குதான் உள்ளதோ !? மனம் ஆழ்ந்து செல்ல செல்ல சித்தர்கள் அலைகள் ...! இரண்டாயிரம் ஆண்டுகளுக்கு மேல் மிக பழமையான கருவறை .ஒரு பதினைந்து நிமிடம் சென்றிருக்கும் ,அதற்கு மேல் அங்கு என்னால் இருக்க இயலவில்லை .அவ்வளவு வெப்பம் .வெப்பம் என்றால் இது physical வெப்பம் அல்ல.உடம்பை தொட்டு பார்த்தால் ஒன்றும் இல்லை .ஆனால் சூட்சும உடம்பின் வெப்பம் அதிகம் .நன்கு செறிவுள்ள காந்தஉடல் .புடம் போடுவார்கள் என்று கேள்விபட்டிருக்கிறோமல்லவா அது போல் எம்மை` மொத்தமாக புடம் போட்ட இடம் .இது நாள் வரை சேர்த்துவைத்த மனதின் குப்பைகளை நொடிப்பொழுதில் பொசுக்கி சாம்பலாக்கிய   இடம் .மின்னும் நுண்ணுடல் தங்கம் போல் தக தக வென  மின்னும் நுண்ணுடல்.இவை எம்முடையவை தானா ? என்று பிரம்மித்துபோய்விட்டேன். யார் உணருவார் இங்கு நடக்கும் அற்புதங்களை ! ஒரு கட்டிலடங்கா சக்தி குடியிருக்கும் இடம்!

இங்கே மறைமுகமாக பல சூட்சும இரகசியங்கள் நிறைவேறுகிறது.அண்ணாமலையாரை தரிசிக்க வரும் பல ஆயிரம் மக்களின் சூட்சும உடலை 10 நொடிகளில் parts by parts ஆக கழட்டி ,இடைவெளி ,மாறுபட்ட அலை,மன பிணக்கு,போன்ற ஏற்ற தாழ்வுகளை நொடியில் சரிசெய்து அனுப்புகிறார்கள்.யார் !? எல்லாம் அலைகளே ! அலைகளின் மூல காரணம்? இடைக்காடர் !?ஆதி சக்தியான அண்ணாமலையார்!?. ஏதோ ஒரு கட்டிலடங்கா சக்தி உள்ளது .சக்திமிக்க இடம் .அருள் அலைகள் நிரம்பி வழியும் இடம் .

மற்றொன்று எம் நெஞ்சம் ஈர்த்த சதுரகிரி

சதுரகிரி சுந்தர மகாலிங்கம் சன்னதி ஒரு மிக சிறந்த அருள் அலை நிறைந்த இடம் .வெறும் கண்ணால் பார்ப்பதற்கு ஒன்றும் புலப்படவில்லை.ஆனால் இங்கே மிக பெரிய செயல் நடந்து கொண்டிருக்கிறது.இந்த உலகத்திற்கே தேவையான அனைத்து ஆற்றல்கள்,இங்கிருந்து தான் உருவாக்கபடுகிறதோ  என்னமோ !? உலகத்தின் இடர் சரியாக  இங்கு தான் அதற்குரிய நிர்ணயம் செய்ய படுகிறதோ !?எங்கு எதனை  எவ்வாறு இயக்க வேண்டும் என்பதற்கான   மூல ஆற்றல் அது இங்கிருந்துதான் வெளிகிளம்புகிறதோ ?! அனைத்திற்கும் ஒரு தொடர்புஇருக்கிறது இங்கிருந்து.ஏதோ ஒரு மிக அவசியமான ,மிக தேவையான  அதிர்வு அலைகள்  இந்த உலகத்திற்காக  இங்கிருந்துதான் வழங்கபடுகிறது என்று உணருகிறோம் யாம் .


ஒரு மெல்லிய குளுமையான வெண்பனி போன்ற ஒரு அலை சுந்தர மகாலிங்கம் கோவில் மற்றும் அதை சார்ந்த இடம் முழுவதும் எப்பொழுதுமே நிரம்பி உள்ளது.ஒரு முறை சென்று தரிசனம் செய்தோம், அது கிட்ட தட்ட மூன்று நாட்கள் ,அந்த அருள் அலை எம்முடனேயே  இருந்தது .அப்படி ஒரு அலை இயக்கம் எம்  மனதினுள் !ஒரே அமைதி ! நிசப்தம் ! எதுவுமே தேவையில்லை ! எல்லாம் நடப்பது சரியே..என்பது  போலவே  எம் எண்ணம் ,நடக்கும் செயல்கள், எல்லாம் .இந்த அலையை விட்டு பிரிய  மனம் இல்லை எமக்கு . பேசாமல் கண்ணை மூடிக்கொண்டு , அன்றைய நாட்பொழுதில் என்ன கிடைத்ததோ அதனை உட்கொண்டு ,இறைநிலையிலேயே  இருந்தோம் பல மணி நேரம். அப்படி    ஒரு அலை இயக்கம் .உணர்ந்து பார்த்தால் தான்  தெரியும் .


அன்பர் ஒருவர் ஸ்ரீ  ராம தேவர் சித்தர் இருக்கும்  இடத்திற்கு  எதேச்சையாக தாம் செல்ல நேர்ந்ததாகவும் ,அங்கே உள்ள ஒரு மரத்திலிருந்து விழுந்த ஒரு சிறிய காய்கள்  கொஞ்சம்எடுத்து வந்தாகவும் என்னிடம் கொடுத்தார்.இது யாகத்தில் போடும் காய் எனவும் ,இதனுள்ளே இருக்கும் பருப்பினை உடைத்து உண்ணலாம் என்றும்  கொடுத்தார் .கொஞ்சம் உடைத்து பார்த்தேன் ,வெண்ணிநிறமான பருப்பு .மிகவும் சுவையாக இருந்தது .கொஞ்சம் காய்கள் எடுத்து வெயிலில் உலர்த்தி யாகத்தில் சேர்க்க ஆயத்தமானேன்.யாகத்தில் ,அக்னிகுண்டத்தில் இந்த காய்களை வழக்கமான பைரவ மந்திரங்களுடன் ,அக்னியில் இட்டேன் .நல்ல தொரு அதிர்வு அலை சூழ்ந்தது.இதோடு ஒரு மெல்லிய அலை ஒன்றும் சேர்ந்தது .வேறு படுத்தி அறியும் அலை.பைரவ அலைகள் அதிர்வு வேறு.இது  மிக சாத்வீகமான அலை.யாருடையது என்று தெரியவில்லை .ஆனால் மிக மென்மையானது.சாத்வீக அலை ஆதலால் யாமும் எந்த மறுப்பும் சொல்லவில்லை.என் உள்ளத்திலே வெகு நாட்கள் இருந்தது .இது அரங்கேறும் காலம் ஒரு நாள் வரும் என்று விட்டுவிட்டோம் .காலமும் நெருங்கிவர சாத்வீக அலை செயல்பட ஆரம்பித்தது .தானாக வேறொரு அலையுடன்  தொடர்புகொண்டு செயலுக்கு தயாரானது.பறந்து விரிந்து ஒரு மையம் நோக்கி செல்ல ஆரம்பித்தது .தான் எங்கிருந்து வந்ததோ அங்கே எம்மை இழுத்துச்சென்றது.இழுத்து சென்ற இடமோ ஒரு மாபெரும் மகானின் இடம் யாவற்றையும் ஈர்த்து பிடித்து இழுத்திருந்தது அந்த இடம் .அமைதி குடியிருக்கும் இடம்.

நல்ல கருமையான தலைமுடியை அள்ளிப்பிடித்து கொண்டைபோட்ட உருவம் .கருமையான தாடி .பளிச்சிடும் முகம் .மெல்லிய   தேகம் .மனித எண்ணங்களுக்கு அப்பாற்பட்ட சிந்தனை ,குத்தவைத்து உட்கார்ந்து இறை பற்றிய சிந்தனை .காலம் கடந்த ஞானம். இறைநிலையே எப்பொழுதும் நினைத்ததால் அருகில் யார் வந்தாலும் சென்றாலும் அசட்டை செய்யாத ஒரு பாவம்.எத்தனை கோடி மைல்களுக்கப்பாலும் உள்ளது பற்றி அறியும் ஒரு ஞானம் .மலைக்குறவர் போல வேடம் .ஒரு சுத்த பரப்பிரம்மம் .தம்மை சுற்றி ஒரு கவர்ந்திழுக்கும் சூட்சும அலைகள் .ஆழ்ந்து விரிந்த இறைஆற்றல் நிரம்பிய ஒரு மிகப்பெரும் ஒளி வெள்ளம்.வந்தவர் ,இருந்தவர் ,சென்றவர் என அனைவரின் சூட்சும உடம்பிலும் மகானின் அருள் அலைகள் நிரம்பி வழியும் ஒரு மாபெரும் சக்தியின்  ஜாலம் .மழலை மொழி போல் கொஞ்சி பேசி  ஒட்டி உறவாடும் ஜீவ அலைகள் .இப்படியே இன்னும் கொஞ்ச நேரம் இருந்தால் என்ன என்று எண்ணி எண்ணி , பல மணி நேரமும் நொடிப்பொழுதாகும்  ஒரு மாயம் .அப்படி ஒரு அலைஇயக்கம் அங்கே.


அழகர் கோவில்  நூபுர கங்கை தீர்த்தம் அனைவருக்கும் மிக பரிட்சயமான ஒன்று .மிக தூய்மையான மூலிகை தண்ணீர் .வற்றாத மலை நீருற்று .இயற்கையின் மினரல் வாட்டர் .ஒரு முறை சென்று நீராடி ,வேண்டிய அளவு நீர் பருகிவர உடலில் உள்ள வெப்பம் குறைந்து ,உள்ளமும் துள்ளிக்குதிக்கும்.
அதே போல் அழகர்மலையின் மற்றொரு பக்கம் இதே போன்று ஒரு அருவி உள்ளது .மக்கள் கூட்டமின்றி மிக அமைதியாக  உள்ளது .காரணம் இன்னும் நிறைய அன்பர்களுக்கு தெரியவில்லை ,மற்றும் செல்லும் வழி இன்னும் புதிப்பிக்கபட வேண்டியுள்ளது .ஒரு வண்டிப்பாதைபோல் தான் செல்கிறது.பிறிதொரு காலத்தில் நல்ல பாதை அமையும் என நம்புகிறேன் .

 அறிமுக மற்ற நண்பர் ஒருவர் அறிமுகமானார்.தாம் ஸ்ரீ ராமதேவர் தவம் செய்த இடம்  மற்றும் அங்குள்ள ஸ்ரீ ராமதேவர் சொரூப சமாதிக்கு ஏற்கனவே சென்றுவந்ததாகவும் ,அங்கே செல்லும் வழி தமக்கு தெரியும் எனவும் எங்களுடன் பயணிக்க ஆரம்பித்தார் .நண்பர்கள் சூழ ஸ்ரீ ராம தேவர் சமாதி இருக்கும் இடம் நோக்கி பயணித்தோம்.

 மதுரை மாவட்டம் மேலூர் வழியாகவோ  அல்லது மதுரையிலிருந்து ( 20km ) அழகர்கோவில் வழியாகவோ  கிடாரிப்பட்டி வரவேண்டும்.பிறகு அங்கிருந்து அழகர் மலையின் பின்புறம் ,மலைநோக்கி கிட்டத்தட்ட ஐந்து 5km செல்லவேண்டும் .ஒரு 2km முன்பே மலை ஆரம்பிக்கும் இடத்தில் மிக தூரத்திலே அங்கே ஒரு பசுமை தென்படும் .மற்ற இடமெல்லாம் ஒரு வறட்சி தென்பட்டாலும் ,வெகு தூரத்தில் ஒரு பசுமை தென்படும் ,அதனை நோக்கி செல்லவேண்டும் .கொஞ்சம் மன அலைகளை கூர்ந்து கவனிக்க ,அது மிக அழகாக அங்கே ஈர்க்கும் அந்த  பசுமை நோக்கி  நமக்கு முன்னர் ,நம்முடைய , சூட்சும தேகத்தை அழைத்துச்சென்றுவிடும் .


இரு மலைகள் சந்திக்கும் இடம் ,ஒரு கணவாய் போல ,மலை ஆரம்பிக்கிறது.ஒரு வயதான மாமரம் துவண்டு ,படர்ந்து நிழல் பரப்பும் சேவை செய்துவருகிறது .அருகிலே ஒரு சிறிய தாமரை தடாகம் .சுற்றிலும் பிரம்பு செடிகள் .யாரும் மிக எளிதாக இந்த பிரம்பு செடியை கடந்து சென்றுவிடமுடியாது விலங்குகள் உட்பட ,அப்படியொரு இயற்கை பாதுகாப்பு.




கோடை காலத்திலே எங்கெங்கு பார்த்தாலும் ஒரே வறட்சி நிலவினாலும் ,இங்கே ஒரு பசுமையும் ,குளுமையும் உள்ளது .மரங்கள் சூழ பசுமையாக காட்சியளிக்கிறது .அங்கே ஸ்ரீ ராம தேவரின் சூட்சும சமாதி உள்ளது .ஜீவ சமாதியை சுற்றி பிரம்பு செடியால் சூழப்பட்டுள்ளது .அங்கே ஒரு அழகிய நீருற்று உள்ளது .ஜீவ சமாதியை சுற்றி பிரம்பு செடிகளால் சூழப்பட்டுள்ளது . இந்த பிரம்பு எப்பொழுதும் தன்னைசுற்றி ஒரு குளுமையை நிலைநாட்டிக்கொண்டே இருக்கும் .நல்ல நீர் வளமுள்ள இடத்தில்  தான் பிரம்பு வளரும் என்பார்கள் .மகான்கள் வாழும் இடமல்லவா ஆக நீர் வளம் குறைபாடில்லாமல் ,பசுமையும் குளுமையும் நிறைந்துள்ளது .



இங்கே ஸ்ரீ ராமதேவர் சொரூபமாக இருக்கிறார் .ஒரு வயதான மாமரம் துவண்டு ,படர்ந்து சமாதியை சுற்றி நிழல் பரப்ப ,அதனோடு யாக கொட்டை மரமும் மரம் கைசேர்ந்து எப்பொழுதும் நிழலையும் தூய காற்றையும் அள்ளி வீசிக் கொண்டிருக்கிறது.  இந்த இடத்தினை சுற்றி பிரம்பு அடர்ந்து சுற்றி வளைத்துள்ளது.








இதோ இந்த மரமே எமது யாகத்திற்கு உதவி செய்தது . யாகத்தில் இடப்பட்ட இம்மரத்தின் கொட்டைகளால்  நல்ல அதிர்வு அலை சூழ்ந்தது .தூய அன்பும் கருணையும்  நிறைந்த அலைகளால் இம்மரம்  எம்மை நேரடியாக இங்கே இழுத்துவந்துவிட்டது.





சமாதிக்கு மிக அருகில் ஒரு தெள்ளிய அருவி சலசலவென்று ஓடுகிறது .மிக திடமான தூய்மையான நீர் .இங்கே இதனருகே உள்ள கிராம மக்கள் எல்லாரும் கொடுத்துவைத்தவர்கள்.அழகர் மலையின் மூலிகை வேர்களெல்லாம் தொட்டுத் தடவி ,தூய்மையான நீராக இங்கே அய்யாவின் சமாதியருகில் நீர் வீழ்ச்சியாக செல்கிறது .அருகே ஒரு சிறிய தாமரை தடாகம்.கோடையிலே வெப்பம் தனிய  இது போன்ற இயற்கை தரும்  தெவிட்டாத அமுதத்தினை நல்ல முறையில் அனுபவிக்கவேண்டும்.



வேண்டியளவு நீர் பருகினேன் ,மிதமான சுகமான அருவி குளியல்.நீண்ட நாட்களுக்கு பிறகு மூலிகை நீரில் போதும் ,போதும் என்று சொல்லும் அளவுக்கு ஒரு குளியல் .பிறகு  அங்கே ஒரு சிறிய  கூடாரம் ,ஒட்டினால் மேயப்பட்ட கூரை.கிராமத்து மக்கள்  ஸ்ரீ ராம தேவர் சித்தர்  அய்யா அவர்களின் அடையாளமாக இரும்பினால் ஆன வேல்களையும் சூலாயதங்களையும் அந்த கூடாரத்தின் மைய பகுதியிலே நட்டு வைத்துள்ளனர் . அங்குள்ள திருநீரை அப்படியே  எடுத்து நெற்றியில் இட்டேன் . ஸ்ரீ ராமதேவர் சொருப சமாதியில் அமர்ந்தேன்.சிறிதே கண்களை  மூடி தியானித்தேன் .நீரோடையின் சப்தத்தை தவிர வேறொரு சப்தமில்லை. சப்தம்  நேரம் செல்ல  செல்ல நிசப்தமாகிறது .அய்யாவின் சமாதியிலிருந்து ஒரு மெல்லிய வெப்பம் , ஒரு வகையான அலை சுற்றிலும் பரவிக்கொண்டேஇருக்கிறது .அமைதியாகிறது...அமைதி ..ஆனந்தமாகிறது . மனமெங்கும்  சூழ்ந்துகொள்கிறது ...மகான்களின்  அருள் அலைகள் ..தெய்வீகம் நிறைந்தது .ஸ்தூல உடம்பில் வாழ்ந்ததோ ஏதோ ஒரு காலம் .ஆனால் இங்கே சூட்சும உடம்போடு காலம் காலமாக வாழ்ந்து கொண்டிருக்கிறார்கள் .யாம் எதுவும் இங்கே கொடுக்கவில்லை. அய்யாவின் காலம் கடந்து  தொன்று தொட்டு வரும் கருணையால் இங்கே வருபவர்களுக்கெல்லாம் அமைதியும் நெஞ்சம் நிறையும் ஆனந்தமும் எப்பொழுதும் வழங்கிக்கொண்டே இருக்கிறார்கள் ,மனிதர்கள் கற்றுக்கொள்ளவேண்டிய பாடம் .கொடுப்பவர்கள் என்றும் உயர்ந்தவர்கள் .அதுவும் இது போன்ற ஆத்ம திருப்தியை காலம் காலமாக கொடுத்துக்கொண்டேயிருப்பவர்கள் போற்றிப்புகழப்படவேண்டியவர்கள்.



சிறிதே தொடர்ந்தேன் ...நிறைவோடு எழுந்தேன் ..இப்போது இது போதும் இந்த உலகத்தினை எதிர்கொள்ள .சாஷ்டாங்க நமஸ்காரம் செய்து விடைபெற்றேன்
அங்கே ஒரே  ஒரு குரங்கு மட்டும் இடைமறித்தது .வருகிறேன் ஸ்ரீ ராமதேவர் அய்யா என்று வணங்கி விடைபெற்றேன்.மிக நிறைவான ஒரு பயணம் .கொஞ்சி பேசும் அலைகள் எம்முடனே வந்து எம்மை வழியனுப்பி வைத்தது.
இந்த நிறைவான அலைகளை முடிந்த வரையில் இங்கே வார்த்தைகளாக பிடித்து  திணித்து வைத்துள்ளோம்.இந்த கொஞ்சி பேசும் குழந்தை அலைகள் அகத்தியம் இதழ் வாசிக்கும் அனைத்து உள்ளங்களையும் மகிழ்விக்கட்டும்  என அய்யாவை வணங்கி மீண்டும் அகத்திய உள்ளங்களை அடுத்த கட்டுரையில் வெகு விரைவில் சந்திக்கிறேன்.



ஒம் அகத்தீஸ்வராய நமஹ!



Sunday, February 17, 2013

ஸ்ரீ மஹா பைரவர்





ஸ்ரீ மஹா பைரவர்  மிக சக்திவாய்ந்த ஒரு கடவுள் .ஒரு மிக உக்கிரமான அதிக ஆற்றல் வாய்ந்த ஒரு சக்திமிக்க அலை வடிவம் .சிறிது பயபக்தியுடனே இக்கட்டுரை எழுதுகிறேன்.சிவபெருமானின் பூத கணங்களில் மிக முக்கியமானவர் .ஸ்ரீ மஹா பைரவரை வணங்கினால் 100% பலன் கைகூடும் என்பார்கள் .தேய் பிறையில் வரும் அஷ்டமியில் ஸ்ரீ மஹா பைரவரை வணங்குவது மிகுந்த விஷேசம். மணி ,மந்திரம், ஓளஷதம் தெரிந்து கொள்ள வேண்டும் என்றால் ஸ்ரீ மஹா பைரவரின் அருள் இன்றி அறிந்து கொள்ள முடியாது என்பார்கள் .சித்தர்கள் பாதையில் இந்த மணி ,மந்திரம், ஔஸதம் மிகப்பெரும் பங்கு வகிக்கிறது .ஒரு சிறிய மந்திரமாகட்டும் அல்லது  ஔஸதமாகட்டும் அது சித்தி பெற வேண்டும் என்றால் ஸ்ரீ மஹா பைரவர் அருளாசி இன்றி  முழுமைபெறாது .அனுகிரகம் வேண்டும் அது இருந்தால் தான் மணி ,மந்திரம் தெரிந்துகொள்ள முடியும் என்பார்களே ,அந்த அனுகிரகத்தை அருள்பவர் ஸ்ரீ மஹா பைரவர் .காலம் காலமாக நமக்கு முன் எத்தனையோ தலைமுறைகள், பைரவ சக்தியின் அளப்பரிய ஆற்றல் கண்டு வியந்து  வணங்கிய ஒரு காலம் ,அங்கே ஒரு  மிக மிக  பழமையான பாடல் ஒன்று
 
உரக கங்கணம் தருவன பணமணி
உலகடங்கலும் துயிலெழ வெயிலெழ
உடை தவிர்ந்ததன் திரு அரை உடை மணி
உலவி ஒன்றோடொன்று அலமார விலகிய


கரதலம் தரும் தமருக சதிபொதி
கழல் புனைந்த செம்பரிபுர ஒலியொடு
கலகலன் கலன்கலன் என வருமொரு
கரிய கஞ்சுகள் கழலினை கருதுவாம்


ஸ்ரீ மஹா பைரவர் தன்  கைகளில் கங்கணமாகக் கட்டி இருக்கிற பாம்பு  கக்கும் மாணிக்கக் கற்களால்  உலகம் முழுவதும் துயிலெழ வெயிலெழ. உடை தவிர்ந்த தன் இடுப்பினில் கட்டப்பட்டுள்ள  மணிகள் ஒன்றோடு ஒன்று மோதி ஒலி எழுப்ப ,கையில் உள்ள தமருகம் என்னும் உடுக்கை எழுப்பும் தாள ஓசையும் ,சிவந்த சிலம்பின் ஒலியும்  சேர்ந்து கலன், கலன் என்னும் இனிய நாதம் உண்டாகுமாம்.இப்படி காட்சி தரும் கரிய ஆடை அணிந்த பைரவர் பாதம் பணிந்து  வணங்குவோம் என்ற ஒரு மிக பழமையான பாடல் , ஒட்டக்கூத்தர் புலவரால் இயற்றப்பட்ட  பாடல் தொடர்கிறது.பைரவ சக்தியை மிக தத்ரூபமாக எவ்வளவு அழகான வார்த்தைகளால் கொண்டு வர்ணிக்க முடியுமோ அவ்வளவு  அழகாக வர்ணித்துள்ளார்.எந்த அளவுக்கு புலவர் பெருமகனார் சக்தியை உணர்ந்து பாடியுள்ளார் என்பது புரிகிறது.இதற்குரிய ஒரு சரியான வேகத்தில் உச்சரிக்க ,இங்கே உள்ள வார்த்தைகள் எல்லாம் சக்திகளை வெளியிட்டு ,உடல் மயிர்கூட்சம் பெற்று புல்லரிக்கும் . எவ்வளவு ஒரு அழகான தமிழ் சொல்  "கலன்,கலன்,கலன்......." மிக வேகமாக உச்சரித்து பாருங்கள் .அதன் சக்தி ,ஆற்றல் புரியும் .கிராமத்தில் வாழும் அன்பர்களுக்கு இதன் ஒசை புரியும் .இந்த ஓசை ஒன்றே போதும் , பயம் ,துக்கம் ,குழப்பம் போன்ற யாவையும் தூக்கி எறிந்துவிடும் .செவ்வி அரை என்று சொல்வார்களே அது போல .ஒரே அரையில் பளிச்சென்று அனைத்து துர் சக்திகளையும்  விரட்டி அடித்துவிடும் .

பைரவர்என்பது  ஒரு சக்திமிக்க  அலைகளின் வடிவம் .இதன் சக்தியின் வடிவத்தை அனுமானிப்பது என்பது  மனித சக்தியால் இயலாத ஒன்று.நன்கு செறிவுஊட்டப்பட்ட சக்தியுள்ள பிரபஞ்ச அலைகளின் ,இறை அலைகளின், ஒருங்கிணைக்கபட்ட  ஆற்றல் மிக்க சக்தியின் வடிவம் .நன்கு செறிவுள்ள ஒரு மாதிரியாக உருத்திரண்ட கட்டுக்கடங்காத  அலைகளின் வீரியமிக்க சக்தி,இதனை ஒரு உருவத்தில் கொண்டுவருவது ,மிக  மிக கடினம்.கண்டங்கள் விட்டு கண்டங்களை நொடிபொழுதில் தாவும் ஒரு  அலை வடிவம் .சக்திகள் உருத்திரண்டு பூமியைப்போல் பல கோள்களை நொடிப்பொழுதில் சுழன்று பிரபஞ்சத்தை காவல் காக்கும் ஒரு சக்தி .

இறைநிலையின் சக்தியை பூமியில் நிலைநிறுத்திட சித்தர்கள் முனிவர்கள்  ஒரு சில பீஜாஜ்ர சொற்களை வைத்து முடிந்த வரை இறை சக்தியை இந்த பூமியிலே நிலை நிறுத்தினார்கள் .வடிவமே இல்லாத இறைநிலையையில் உள்ள ஆற்றல் கண்டு வியந்து ,அதன் ஆற்றலை,அதன் தன்மையை  ஒரு சில சொற்களை வைத்து ,அதன் மூலம் இறை சக்தியை எப்பொழுதெல்லாம் வேண்டுமோ ,அப்போதெல்லாம்  அனுபவித்து மகிழ்ந்தார்கள்.
 அதற்காக பல பீஜங்களை கண்டுபிடித்தார்கள் ,அதற்குரிய பலன்களை அனைவரும் உணரும் வண்ணம் சரியான உருவத்தில் பொருத்தி தெய்வங்களாக வழிபட்டார்கள் .ஒவ்வொரு பீஜமும் ஒவ்வொரு தன்மை .அதற்குரிய பலன்கள் .உதாரணமாக ஒம்ஹம்  யெனும் பீஜம் கடவுள் கணபதிக்குரிய பீஜம்.இந்த பீஜம் அடி மூலாதாரத்திலிருந்து உச்சரிக்கவேண்டும்  (மூலாதாரம் என்பது கருவாய்க்கும் எருவாய்க்கும் மத்தியில் ,அதாவது முதுகு கடைசி முள்ளெலும்புதண்டின் உட்புறம்) .
 ஒம்.....ஹம்... இந்த ஹம் என்பதை க்ஹம்என்று    நன்றாக அழுத்தி சொல்ல வேண்டும் .இவ்வாறு சொல்லும்போது அடி மூலாதாரத்திலிருந்து சக்தி கிளம்பி உடலெங்கும் வியாபித்து ,இறை சக்தியுடன் ஒரு தொடர்பு ஏற்படுத்தி ,உடலுக்கு ,மனதுக்கு ஒரு மிக பெரிய வலிமையை கொடுக்கும். இந்த ஹம் (க்ஹம்) .அதாவது ஒரு யானைக்குரிய ஒரு வலிமையை தரும் சக்தியுடையது .அத்தனை சக்திமிக்க பீஜம்.இப்படி ஒவ்வொரு பீஜமும் ஒவ்வொரு சக்தி .ஒரு தெளிவான நல்ல அறையினை தேர்ந்தெடுத்து ,அங்கே அமைதியை நிலைநாட்ட வேண்டும் ,எவ்வாறு ? ஒரு இருக்கும் இடத்தை பார்த்தஉடனே மனம் அமைதியை நாட வேண்டும்  என்றால் என்ன நாம் செய்ய வேண்டும் ?

ஒரு மிக புளிப்பு சுவையுள்ள எலுமிச்சம்பழத்திணை இரண்டாக வெட்டி ,பிறகு அதன் ஒரு பக்கத்தினை  நன்றாக  கசக்கி பிழிந்து அதன்  ஒரு துளி சாற்றினை நாவில் வைத்தால் என்று சொல்லும் போதே அந்த புளிப்பின் சக்தியை உணருகிறோம் அல்லவா அது போல .உண்மையிலே இங்கே ஒரு துளி எலுமிச்சம்பழரசம் உங்களுக்கு கொடுக்கப்பட்டதா  ?இல்லையே .வெறும் எழுத்து மட்டும் தானே ,எப்படி  அதன் தன்மையினை அப்படியே உணர்த்துகிறது .அது போலதான் இந்த சூட்சுமம்.சூட்சும அலைகள் ,வெறும் அலைகள் மட்டுமே ,ஆனால் அதன் தன்மையை அப்படியே உணர்த்திவிடும்.


ஒரு வீட்டிலே நான்கு அல்லது ஐந்து பேர் இருக்கின்றனர் என்று வைத்துகொள்வோம் ,ஒவ்வொருவருக்கும் ஒவ்வொரு அலையியக்கம் ,மாறுபட்ட எண்ணங்கள் ,இவை எல்லாம் இருக்கும் இடம் முழுவதும் சுழன்று கொண்டே இருக்கும்.எண்ணங்களை பொருத்து இருக்கும் இடம் அமைதியாகவோ அல்லது வேறு மாதிரியாகவோ இருக்கும் .இப்படி இருப்பதால் ஆகப்போவது ஒன்றுமில்லை .இந்த அலைகளை எல்லாம் தூக்கி எரிந்துவிட வேண்டியதுதான் .நல்ல அமைதியும் இறைஆற்றலும் உள்ள இடமே நமக்கு வேண்டும் .எவ்வாறு நீங்காத அமைதி தரும் அலைகளை ஒரு இடத்தில் நிலைக்க  செய்வது ?

பூஜைக்குரிய மனதிற்கு பிடித்த ஒரு இடத்தினை தேர்ந்தெடுந்து ,அங்கே இந்த பைரவ மந்திரங்களை சொல்ல அந்த இடம் முழுவதும் தூய்மைபெரும் .மேலும் அங்கே ஒரு அமைதி நிலவும் ,தினந்தோறும் சொல்ல சொல்ல அந்த இடம் முழுவதும் நல்ல உரு ஏற்றப்பட்டு ஒரு சக்தியுள்ள இடமாகவே மாறும் .நாள் தோறும் சொல்ல சொல்ல அங்கே உள்ள அமைதியும் சக்தியும் அதிகரித்துக்கொண்டே இருக்கும் .இந்த அமைதியை தூரத்திலிருந்தே உணரலாம் .இங்கே கொடுக்கபட்டுள்ள பைரவ மந்திரத்திற்கும் சூட்சுமத்திற்கும் தொடர்புஉள்ளது .ஒரு இடம் இது போல நல்ல உரு பெற்றுவிட்டால் ,மிக அற்புதமான இடமாக மாறும் .நம்மால்  வெறும் காற்றினை மட்டுமே அங்கு உணரமுடிகிறது .இன்னும் இந்த மந்திர வலிமை அதிகமாக ,அங்குள்ள இடத்தில் உள்ள செல்கள் எல்லாம் கணீர் கணீரென்று அதிரும் .Crystal clear என்பது போல இருக்கும். நன்றாக ஒவ்வொரு சொல்லும் அதற்குரிய அதிர்வில் மிக சரியான அலைகளை பிரபஞ்சத்திலிருந்து ஈர்த்து இங்கே அழகிய அலைகளை நிரப்பிவிடும்.தூயஒளி போல பளிச்சென்று இருக்கும் .இனி இங்கே நடக்கபோகும் ஒரு அலைஇயக்கம் மிக புனிதமானதாகவே இருக்கும் .இனி இங்கே அமர்ந்து தியானம் செய்பவர் யாராகினும் அவர்  ஒரு அமைதியை கண்டிப்பாக உணர்ந்தே ஆகவேண்டும் .மகான்களின் அலைகளை இங்கே மிக நன்றாக பிரித்துணரலாம் .மகான்களை ஈர்க்கும் ஒரு இடம் என்றே யாம் சொல்வோம் .இந்த அலைகளை தேடி  மகான்கள் வருவார்கள்.

ஓரிரு முறை சொல்வது என்பது நுனிப்புல் மேய்வதற்கு சமம் .ஓரிருமுறை சொல்வதால் எந்த பலனும் ஏற்படப்போவதில்லை .தந்தையின் கூற்று படி  எந்த ஒரு ஸ்லோகமும்  அதன்  முழு தன்மையை அறிய வேண்டுமாயின் குறைந்தது ஒரு லட்சம் முறையாவது சொல்லவேண்டும் .அப்பொழுது தான்
அதன் ஆற்றல் செயல்பட தொடங்கும்.ஒரு லட்சத்தையும் ஒரே தொடர்ச்சியில் சொல்வதென்பது இக்காலத்தில் கொஞ்சம் சிரமம்.ஆகையால்
ஒரு வருடம் அல்லது இரண்டு வருடங்களில் இந்த எண்ணிக்கையை கொண்டு  வந்துவிடலாம் .


இதுபோல பல பீஜங்களை வைத்து கோர்வையாக்கி இறை ஆற்றலை கடல் போல் எங்கெங்கும் பரவச்செய்தார்கள்.அப்படி  ஒரு மந்திரம் இங்கே உள்ள ஸ்ரீ மகா பைரவ காயத்ரி .மிகுந்த சக்தியுடையது .குறிப்பாக யாரெல்லாம் சூட்சும சக்தி பற்றி அறிய வேண்டுமென்ற  ஆர்வம் கொண்டிருக்கிறார்களோ  ,அவர்களுக்கெல்லாம் ஒரு வரப்பிரசாதம் இந்த ஸ்ரீ மகா பைரவகாயத்ரி

ஓம் ஸ்வாந ப்ரஜாயே வித்மகே சூல ஹஸ்தாய தீமஹி
தந்நோ பைரவ ப்ரசோதயாத் ஸ்வாஹா 



ஒரு தேய்பிறை அஷ்டமியில் இந்த மந்திரத்தை உச்சரிக்க தொடங்கலாம் .முதலில் முடிந்தவரை சொல்லலாம் ,பிறகு போக போக 108,504,1008..என்று எண்ணிக்கையை அதிகரிக்கலாம்.ஒரு அதிகாலை வேளையில் வெண்ணிற உடையணிந்து , வெறும் வயிற்றில் சொல்லதொடுங்குவது நல்லது .




முடிந்தவர்கள் ஒரு அக்னிகுண்டம் ஒன்று செய்து அதிலே அத்தி ,அரசு,ஆல் ,நெல்லி  இவைகளில் எந்தெந்த குச்சிகள் கிடைக்குமோ ,அதனை  போட்டு , பசு நெய் விட்டு ,அக்னி  வளர்த்து ,இந்த மந்திரத்தினை சொல்லவேண்டும்.பசு நெய்யை இந்த அக்னியில் சேர்ப்பதால் ,இரண்டும் வெப்பத்தில் ஒரு வேதியல் மாற்றமாகி ,அதனை சுற்றி உள்ள இடம் முழுவதும் நச்சு நீக்கி ,ஒரு தெய்வீக நறுமணத்தினை ஏற்படுத்தும்.

ஒரு உட்காரும் மரப்பலகையில் இருந்து  மந்திரம் சொல்வது மிக அவசியம் ,அப்போது தான் கிரகிக்கும் சக்தி நம்முடனேயே  இருக்கும்,இல்லை என்றால் தரை வழியே பூமிக்கு போய்விடும்  . மந்திரம் சொல்லும் போது மனம்  விழிப்புடன் இருப்பது மிக அவசியம்.முதலில் கொஞ்சம் கடினமாகவே இருக்கும்.உச்சரிக்கும் மந்திரம் எண்ணிக்கை அதிகமாக அதிகமாக ,மந்திரத்தில் உள்ள ஒவ்வொரு சொல்லும் அதற்குறிய அலைகளை ஈர்த்து
இருக்கும் இடம் முழுவதும் மெல்ல மெல்ல பரவச்செய்யும் .அந்த  இடம் முழுவதும் ஒருவித சக்திமிக்க அலை filedஐ உருவாக்கும் .பிறகு உச்சரிக்கும் ஒவ்வொரு சொல்லும் ,ஒவ்வொரு பீஜமும் , crispy crystal ஆக இருக்கும் .அதாவது ஒரு ஆயிரம் ஸ்படிகங்களை உருட்டிவிட்டால் எவ்வாறு இருக்குமோ ,அது போல ,நீங்கள் சொல்லும் ஒவ்வொரு மந்திர சொல்லும் உருண்டு ஓடும் .ஒவ்வொரு வார்த்தையும் கணீர் கணீரென்று அதிரும் .இது  தான் சரியான  பதம்.அப்படி ஒரு பதத்தினை உருவாக்க வேண்டும்.இங்கிருந்துதான் அடுத்த படிநிலை  உருவாகும்.உடலில் ,மூளையில் எத்தனையோ வருடமாக   திறக்கப்படாத செல்கள் எல்லாம்,திறந்து செயல் பட ஆரம்பிக்கும்.   இப்படி ஒரு field உருவாகிவிட்டால் ,பிறகு சொல்லும் எந்தஒரு ஸ்லோகத்தையும்  மிக எளிதாக சொல்லமுடியும் ,மேலும் ஒவ்வொரு ஸ்லோகமும் அட்சர சுத்தமாக  அது தானாகவே  வார்த்தைகளாக வந்து விழும் .இது போன்று சிறு சிறு  மாற்றங்களை விழிப்புடன் உணரவேண்டும் .எத்தனை ஆயிரம் முறை வேண்டுமானாலும் சொல்லலாம் ,அப்படியொரு தகுதியை ஏற்படுத்திகொடுக்கும் .



அதன் பிறகு அங்கே மந்திரத்தை உச்சரிக்க,உச்சரிக்க மிகுந்த சக்தியை அங்குள்ள  இடம் முழுவதும் நிரப்பும் .பிறகு அங்கிருந்து கொஞ்சம் கொஞ்சமாக அருகில்  இருக்கும் இடமெல்லாம் பரவும் .இந்த அலைகள் உள்ள எந்த இடமானாலும் அங்கே அமைதி கரை புரண்டோடும் .அழகிய சாத்வீக  அலைகள் ,அமைதியையும் ,ஆனந்தத்தையும் தரும் சக்திமிக்க அலைகள் .கோவிலுக்கு சமமானது .ஒரு தெருவிற்கு ஒருவர் இந்த யாகம் செய்தால் போதும் , அந்த தெரு  முழுவதும்  அமைதி பெரும்,இயற்கை சீற்றமெல்லாம் குறையும் ,அங்குள்ளவர்கள் அமைதியை மிக நன்றாக உணர முடியும் .என் அனுபவத்தில்  ஒரு 500 முறை பைரவர் ஸ்லோகம் சொல்வது ,ஒரு சக்திமிக்க அலைகளை நாம இருக்கும் இடம் முழுவதும் நிரப்பும் .பிறகு அங்குள்ள அமைதியில் அமிழ்ந்து அமிழ்ந்து லயித்திருக்கலாம் .அப்படி லயித்திருக்கும்பொது நம் உடம்பில் உள்ள சூட்சும அலைகளை மிக நன்றாக உணரலாம்.சூட்சும அலைகளை உணரதெரிந்தால் ,மகான்களின் அருள்ஆசி உணரலாம். ஒரு மிதமான  வெது வெதுப்பான ஆற்றலை உணரலாம்.மேலும் இந்த யாகம் செய்துபார்த்தால் தான் அதன் தன்மை ,பலன்கள் புரியும்.!

 ஒரு முறை காலிலே ஒரு துயர்மிக்க வலி ஏற்பட்டது.கால்களில் உள்ள நரம்பின் செயல்பாடுகள் குறித்து அலோபதி  டாக்டரிடம் பரிசீலனை செய்த காலம் .இருப்பினும் வேதனை அளவுக்கு அதிகமாக இருந்தது.என்னசெய்வதென்று தெரியவில்லை.தந்தையிடம் பிராத்தனை செய்தேன் .ஆனால் தந்தையை  நினைத்த நேரத்தில் எப்படி பார்ப்பது ? தந்தை எப்பொழுது தன் கருணையை அருள்வார் என்று காத்துக்கொன்டிருந்தேன்.பல மணி நேரம் ஆகலாம் அல்லது பல நாட்கள் ஆகலாம் அல்லது பல வருடங்கள் கூட ஆகலாம்.யார் அறிவார் தந்தையின் திருஉள்ளம்!



 
ஸ்ரீ மஹா பைரவர் யாகம் செய்த நேரம்.ஸ்ரீ பைரவர் கோவிலுக்கு செல்லலாம் என்ற எண்ணம் உதயமாகி  செயல்பட ஆரம்பித்தது .மிக பழமையான பைரவர் கோவில் .மிக அழகான கோவில்.நிறைவான தரிசனம் .பைரவர் சன்னதி சென்று வணங்கி ,கோவில் பிரகாராம் சுற்றி ,கோவில் கொடிமர அருகில் சாஷ்டாங்க நமஸ்காரம் செய்து எழுந்தேன்.

ஒரு  ஐம்பது வயது மதிக்கதக்க ஒரு பெரியவர் எனக்கு பின்புறமாக மிக மெலிதான குரலில் ஏதோ சொல்லிவிட்டு  எனக்கு முன்புறமாக சென்று விட்டார் .அவர் என்ன சொன்னார் என்று புரியவில்லை.அவர் என்னிடம் வேண்டுகோளும் வைக்கவில்லை ,இதை செய் என்று ஆனையாகவும் சொல்லவில்லை ,ஏதோ ஒன்று சொன்னது போல் இருந்தது .இதனை நான் கவனிக்காமலும் போயிருந்திருக்கலாம் .அந்த பெரியவர் உருவம் மற்றும் ஞாபகம் இருக்கிறது .ஆனால் சரியாக பார்க்கவில்லை .நன்றாக வெள்ளைநிற தாடி ,வெண்ணிற வேஷ்டி ,யாரோ இந்த கோவிலில் வேலை செய்யும் அர்ச்சகர் என்றே நினைத்தேன்.ஆதலால் அதிகமாக கவனிக்கவில்லை . சிறிதே சுதாரித்து என்னவாக இருக்கும்  என்று  எண்ணி ,சற்று recall செய்து பார்த்தேன் . ஏதோ அங்கே சென்று உதவி செய்ய வேண்டும் என்கிற எண்ணம் மட்டும் சுழன்று கொண்டேயிருந்தது .இவை எல்லாம் நடந்தது ஒரு சில நொடிகளே . அதன் பிறகு அந்த பெரியவர்  எங்கு சென்றார் என்று தெரியவில்லை .
என்னவாக இருக்கும் என்று சிறிதே  பின்னோக்கி பார்த்தேன்.அங்கே இருவர் உற்சவர் சிலையை தூக்க முடியாமல் தடுமாறிக்கொண்டிருந்தனர்.என்னவென்று புரிந்துவிட்டது .உடனே என் நண்பரை அழைத்துக்கொண்டு வேகமாக சென்றேன் .அன்று தேய்பிறை அஷ்டமி ஆதலால் ,சற்று முன்னர் தான் உற்சவர் சிலையை கோவில் ஊர்வலமாக  எடுத்துச் சென்றுவிட்டு ,கோவிலின் உள்ளே இறக்கிவைத்திருக்கின்றனர்.பிறகு அந்த சிலையை  அங்கிருந்து அதன் மூல இருப்பிடத்திற்கு செல்வதற்கான ஆயத்தம் நடந்துகொண்டிருந்தது .
 ஆகா....! பைரவரின் சிலையை தூக்குவதற்கு  கொடுத்துவைத்திருக்க வேண்டுமல்லவா ? ஏன் அந்த பெரியவர்  இதனை சூசகமாக சொல்லி சென்றுவிட்டார் என்றே  எண்ணினேன் .அங்கே உடனே அவர்கள் இருவரும் சிலையின் தலைப்பாகம் பிடிக்க ,நானும் என் நண்பரும் சிலையின் கால் பாகம் பிடித்தோம் .என் இரு கைகளால் பைரவரின் கால்களை பிடித்தேன் .பார்ப்பதற்கு ஒரளவுக்கு  சிறிய சிலையாக இருந்தாலும் ,நான்கு ஆட்கள்  சேர்ந்து தூக்கினாலும் மிகப்பழுவாக இருந்தது .அப்படி ஒரு எடையுடன் செய்திருக்கிறார்கள்.மிக அழகான பைரவர் சிலை ,சிரிக்கும் முகத்துடன் பைரவர் ,அழகான வடிவமைப்பு.பிறகு ஒரு வழியாக நாங்கள் உற்சவரின் இருப்பிடத்தில் பைரவர் சிலையை வைத்தோம் .

இரு கைகளால் ஆத்மார்த்தமாக வணங்கி ,சாஷ்டாங்க நமஸ்காரம் செய்து ,வந்த    நுழைவாயில் வழியாக  கோவில் வெளியே வந்துகொண்டிருந்தேன்.
இந்த நிகழ்வில் என் கால் வலியை  மறந்துவிட்டேன் .எந்த கணத்தில் பைரவரின் பாதங்களை  தொட்டேனோ அக்கணத்தில் ஒரு மின்சாரம் உடலில் பாய்ந்ததை நன்கு உணர்ந்தேன் ,ஒரு வித்தியாசமான உணர்வு என்றே சொல்வேன் .என் கால் வலி பாதியாக குறைந்துவிட்டது .எப்படி இவையெல்லாம் ஒன்றோடு ஒன்று தொடர்புடையதாகிறது?எப்படி இவையெல்லாம் சாத்தியமாகிறது ?என்று எண்ணிக்கொண்டே   நடந்தேன்.
 அதன் வெளிப்புரகாரம் வழியாக நடந்து கொண்டிருந்தேன்.

 ஏர்அழிஞ்சில் என்னும் ஒரு அதியச மரம் இங்கேயுள்ளது .இதன் சிறப்பு என்னவென்றால் இந்த மரத்திலிருந்து விழும் பழங்கள்  மண்ணில் விழுந்தபின்பு ,அதன் பழத்திலிருந்து  கொட்டைகள் அதுவாகவே தாவி இந்த மரத்தில் ஒட்டிவிடுமாம் .அவ்வாறு பல நூறு விதைகள் இந்த மரத்தண்டில் ஒட்டியுள்ளது .மிக சிறந்த மூலிகை மரம்  என்கிறார்கள் .


 சிறிது நேரம் அந்த மரத்தில் கையை வைத்து வியந்தேன் .எத்தனை காந்த ஆற்றல் தன்னுள் இருந்தால் இந்த மரம் தன் விதைகளை இப்படி ஈர்த்துக்கொள்ளும்.வியப்பாகவே இருந்தது .சூட்சுமங்கள் நிறைந்த பழம்பெரும் கோயில் .எத்தனை கோடி மக்கள் வந்தாலும் ,வந்தவர் ஒருவர் விடாமல் ,ஒவ்வொருவருக்கும் தன் தும்பிக்கையால் அருளும் ஸ்ரீ கற்பகவிநாயகர் கோயில்  பிள்ளையார் பட்டி அதன் அருகிலே இந்த பழம்பெரும் வயிரவன்கோவில் உள்ளது .ஒரு முறை சென்று இங்குள்ள சூட்சுமங்களை உணருங்கள்.


  அன்றைய நாட்பொழுது என்னமோ எனக்கு மிக சுகமாகவும், ஒரு இதமாகவும் இருந்தது .ஆனால் என் எண்ணமெல்லாம் " யார் அந்த பெரியவர்!".மீண்டும் அதே கோவிலுக்கு  சென்றேன் பலமுறை ,அந்த பெரியவரை காணவேண்டும் என்ற ஆவலோடு ,ஆனால் அங்கே அவர் மட்டும் காணவில்லை ,மற்ற யாவும் இருந்தது .


ஒரு அமைதியான சூழலில் அமர்ந்தேன் ,நடந்த  நிகழ்வுகளை அசைபோட்டு எண்ணும்போது , ஒரு ஆழ்ந்த அமைதியும் ,நிறைவும்  மட்டுமே என் நெஞ்சினில் நீங்காத  நிலைகொண்டு ,என்னை ஒரு அமைதி நிலைக்கு அழைத்துச்சென்றது .எத்தனையோ முறை தொட்டும் தொடாமல் என்பார்களே அது போல தந்தையின் அருள் ஆசிகளை பல  வடிவங்களில் பல முறைஇழந்திருக்கிறேன் .அங்கே வந்த அந்த பெரியவர் ஒரு அமைதி அலைகளின் சாராம்சம் ,பார்க்க மிக சாதாரண ஒரு மனித வடிவம் ,அவர் சென்ற பின் யாம் உணர்ந்த சூட்சும அலைகளோ என்னவென்று உரைக்க இயலவில்லை . தாம் செய்யும் எத்தனையோ புனித வேலைகளை விட்டுவிட்டு ,எம் துயர் துடைக்க வந்தவர் .யாமோ  எம் சுய நலத்திற்காக அழைத்தோம் . ஆனால் அவரோ எத்தனை கருணை உள்ளம் கொண்டவர் !.இன்னும் எத்தனையோ உள்ளங்களின் கோரிக்கைகளை  நிறைவேற்ற சென்றுவிட்டார் .வெகு தூரத்திற்க்கு பிறகே  எமக்கு தெரிகிறது வந்தவர் ஒரு மாபெரும் மகான் ,மாபெரும் முனிவரென்று.தனக்கே உரிய ஒரு பணிவுடன்,கருணை வடிவுடன் ,ஒரு மிக மிக சாதரணமாக, தான் வந்த வழி ஒரு  அன்பு வழியென்றும் ,அதன் வழியே வரும் அன்பர்களுக்கு ஒரு கருணை பார்வை என்றும் அருள்வேன்.."  என்றே உணர்கிறேன் .
தந்தையின் அருள் ஆசிகளோடு இக்கட்டுரையை நிறைவு செய்து அன்பு உள்ளங்களை மீண்டும் ஒரு நிகழ்வில் சந்திகின்றேன்.
ஒம் அகத்தீஸ்வராய  நமக !